mán 28. september 2020 20:06
Aksentije Milisic
Bologna skýtur á Liverpool og Arsenal: Með skoskan vinstri bakvörð og fá á sig mark í fyrri hálfleik
Mynd: Getty Images
Bologna er að spila gegn Parma þessa stundina og er liðið þremur mörkum yfir þegar síðari hálfleikurinn er í gangi.

Í vinstri bakverðinum hjá Bologna er hinn skoski Aaron Hickey en hann er fæddur árið 2002.

Bologna skrifaði á Twitter í kvöld og skaut þar á Liverpool og Arsenal. Andy Robertson gerði sig sekan um slæm mistök þegar Arsenal komst yfir í leiknum.

„Hugsið ykkur að vera með skoskan vinstri bakvörð og fá á ykkur mark í fyrri hálfleiknum," skrifaði Bologna á Twitter.

Robertson var þó fljótur að bæta upp fyrir mistökin og kom hann Liverpool í forystu eftir að Sadio Mane jafnaði metin. Kieran Tierney er í bakverðinum hjá Arsenal.

Færsluna hjá Bologna má sjá hér fyrir neðan.


Athugasemdir
banner
banner
banner