10) Watford fyrir að selja ekki Odion Ighalo.
Watford fékk 37,5 milljóna punda tilboð frá kínverska félaginu Shanghai SIPG í Ighalo síðastliðið sumar. Ighalo fór ekki neitt en hann hefur ekki náð sér á strik á þessu tímabili. Ighalo hefur einungis skorað eitt mark og er dottinn út úr liðinu hjá Watford.

9) Southampton fyrir að kaupa ekki framherja.
Saido Mane og Graziano Pelle fóru frá Southampton síðastliðið sumar. Með því fóru 39% af mörkunum sem liðið skoraði á síðasta tímabili og 27% af stoðsendingunum. Í dag vantar Southampton framherja sem skilar mörkum.

8) Hull fyrir að gefa Mike Phelan stjórastarfið.
Phelan tók tímabundið við eftir að Steve Bruce hætti óvænt í sumar. Hull vann fyrstu tvo leikina á tímabilinu og nokkrum vikum síðar var Phelan ráðinn stjóri til frambúðar. Hann var rekinn á dögunum eftir skelfilegt gengi Hull.

7) West Ham fyrir að eyða sumrinu í að reyna við ranga leikmenn.
Hamrarnir voru með háleit markmið á leikmannamarkaðinum í sumar. Félagið reyndi að fá Alexandre Lacazette, Daniel Sturridge, Mario Gomez, Carlos Bacca, Wissam Ben Yedder, Carlos Tevez og Theo Walcott sem dæmi. Þegar það gekk ekki þá voru góð ráð dýr.

6) Leicester fyrir að fylla ekki skarð Kante.
Chelsea keypti N'Golo Kante frá ensku meisturunum í sumar. Leicester fékk engan alvöru mann til að fylla skarð hans. Nampalys Mendy átti að gera það en hann hefur ekki náð því.

5) Crystal Palace fyrir að halda Alan Pardew of lengi.
Af síðustu 38 leikjum sem Pardew stýrði Palace í úrvalsdeildinni þá vann liðið einungis sex. Einhverjr vilja meina að hann hefði átt að vera rekinn síðastliðið sumar.

4) Arsenal fyrir að lána Jack Wilshere
Arsenal setti enga klásúlu um að geta kallað Wilshere til baka þegar hann var lánaður til Bournemouth. Arsene Wenger sér eftir því núna en hann sagðist á dögunum hafa not fyrir Wilshere í dag þar sem Santi Cazorla verður lengi frá.

3) Man Utd fyrir að hafa Mkhitaryan of lengi fyrir utan liðið.
Mkhitaryan fékk ekki byrja leik í ensku úrvalsdeildinni frá 10. september til 4. janúar. Síðan þá hefur hann blómstrað. Mourinho hefði átt að setja hann fyrr í liðið.

2) Liverpool fyrir að kaupa markvörð sem var ekki betri en sá sem var fyrir.
Liverpool keypti Loris Karius í sumar. Eftir meiðsli í byrjun tímabils tók hann stöðuna af Simon Mignolet. Léleg frammistaða Karius varð síðan til þess að hann fór aftur á bekkinn í desember.

1) Man City fyrir að kaupa markvörð sem var ekki betri en sá sem var fyrir.
Pep Guardiola keypti Claudio Bravo frá Barcelona og lánaði Joe Hart til Torino. Flestir eru sammála um það í dag að um mistök hafi verið að ræða. Bravo hefur fengið 14 mörk á sig í síðustu 22 markskotum.