Sandra Mayor (Þór/KA)
„Ég var ánægð með frammistöðuna gegn Breiðabliki en ég tel að það sé alltaf hægt að bæta sig og gera betur," sagði Sandra Mayor, leikmaður Þórs/KA við Fótbolta.net í dag um 1-0 sigurinn á Breiðabliki í fyrradag.
Sandra er leikmaður 2. umferðar í Pepsi-deildinni en hún átti frábæran leik gegn Blikum. Sandra lagði meðal annars upp eina mark leiksins.
Gegn Val í síðustu viku skoraði Sandra sigurmarkið en Þór/KA hefur byrjað mótið á tveimur sigrum gegn öflugum andstæðingum.
Sandra er leikmaður 2. umferðar í Pepsi-deildinni en hún átti frábæran leik gegn Blikum. Sandra lagði meðal annars upp eina mark leiksins.
Gegn Val í síðustu viku skoraði Sandra sigurmarkið en Þór/KA hefur byrjað mótið á tveimur sigrum gegn öflugum andstæðingum.
„Lykillinn að því var að leggja hart að sér í 90 mínútur, berjast um alla bolta og halda skipulagi," sagði Sandra aðspurð út í góða byrjun Þórs/KA.
Þór/KA var spáð 4. sæti deildarinnar en eftir góða byrjun er Sandra sannfærð um að liðið geti barist um Íslandsmeistaratitilinn. „Já, ég trúi því 100% af öllu mínu hjarta."
Í fyrra var Sandra valinn í lið ársins í Pepsi-deild kvenna hjá Fótbolta.net en þessi mexíkóska landsliðskona kann vel við að spila á Íslandi.
„Þessi deild er mjög líkamlega sterk og það er mikið af gæða leikmönnum í deildinni," sagði Sandra en hún kann gríðarlega vel við sig á Íslandi.
„Ég elska Akureyri. Þetta er fallegur og rólegur bær. Ég elska fólkið hérna."
Í vetur kom mexíkóska landsliðskonan Bianca Sierra til Þórs/KA en hún og Sandra eru kærustupar. Hvernig er það að spila í sama liði og kærastan?
„Það er best. Við ýtum hvor annarri áfram í að verða betri á hverjum degi bæði innan og utan vallar. Að hafa hana mér við hlið er stór bónus," sagði Sandra að lokum.
Domino's gefur verðlaun
Leikmaður umferðarinnar í Pepsi-deild kvenna í sumar fær pizzuveislu frá Domino's.
SJá einnig:
Leikmaður 1. umferðar - Katrín Ásbjörnsdóttir (Stjarnan)
Athugasemdir