Lestu um leikinn: Fjölnir 3 -  0 KR

„Þetta var flott frammistaða hjá strákunum og virkilega ánægjulegt að halda hreinu og skora þrjú mörk," sagði Guðmundur eftir leikinn.

Meðal leikmanna sem Fjölnir hefur fengið til sín fyrir tímabilið er Igor Taskovic sem var hjá Víkingi Reykjavík. Taskovic hefur bæði leikið í miðverði og á miðju hjá Víkingum en Guðmundur segir hann hugsaðan sem miðjumann hjá Grafarvogsliðinu.

Fjölnir var með erlendan miðvörð til reynslu um daginn en ljóst er að hann mun ekki semja við félagið.

„Gústi sér meira um þessi mál en ég. Ég held að pósthólfið hjá honum sé fullt á hverjum einasta degi af leikmönnum sem vilja koma og sýna sig," sagði Guðmundur á léttu nótunum.

Fjölnir leikur gegn Val í úrslitaleik Reykjavíkurmótsins næsta mánudag í Egilshöll en Fjölnir hefur aldrei orðið Reykjavíkurmeistari.