„Við gerðum mjög mikið af sendingamistökum, við afhentum þeim boltann og þeir eru fljótir og stórhættulegir," sagði Willum Þór Þórsson, þjálfari KR, eftir 0-3 tap gegn Fjölni í Reykjavíkurmótinu í gær.
KR-ingar réðu ekki við spræka og snögga Fjölnismenn en Willum segir að staðan á leikmannahópnum sé þó fín.
KR-ingar réðu ekki við spræka og snögga Fjölnismenn en Willum segir að staðan á leikmannahópnum sé þó fín.
Lestu um leikinn: Fjölnir 3 - 0 KR
„Hún er ágæt. Við erum að reyna að koma mönnum í gang. Þetta brotnar aðeins upp. Við ætluðum að fá Stóra-Beck frá því í fyrra en hann er búinn að gefa okkur afsvar. Ungir menn eru skrefinu nær í fyrra. Við erum að reyna að koma þessu saman og móta liðið."
Willum vildi halda sóknarmanninum Morten Beck Andersen sem lék mjög vel eftir að hann tók við liðinu í fyrra. Morten ætlar hinsvegar að spila í Danmörku á þessu ári.
„Það er enginn feluleikur í því að við erum í framherjaleit," sagði Willum en viðtalið má sjá hér að ofan.
Athugasemdir