Ekki kemur fram á heimasíðu Liverpool hversu lengi samningurinn gildir, en þar segir bara að hann sé til langstíma.

Danns, sem hefur verið hjá Liverpool frá átta ára aldri, hefur átt eftirminnilegar vikur að undanförnu. Hann spilaði sinn fyrsta aðalliðsleik gegn Luton í síðasta mánuði og hjálpaði liðinu svo að vinna deildabikarinn á Wembley.

Í kjölfarið kom hinn 18 ára gamli Danns inn af bekknum og skoraði tvisvar í 3-0 sigri gegn Southampton í FA-bikarnum á Anfield.

Danns hefur þá skorað 21 mark með unglingliðum Liverpool á þessu tímabili en hann þykir mjög efnilegur.