Katelyn er 24 ára gömul og var í Gardner-Webb University and Coastal Carolina. Hún lék mjög vel með Fjölni á síðustu leiktíð og vakti áhuga þjálfarateymis Grindavíkur.

„Það er ánægjuefni að Katelyn sé búinn að skrifa undir samning við Grindavík og muni leika með félaginu í sumar. Frammistaða hennar á síðustu leiktíð vakti athygli okkar og er það frábært fyrir okkur að fá hana til félagsins. Hún er góður markvörður sem býr yfir miklum leiðtogahæfileikum sem mun efla okkar varnarleik," segir Anton Ingi Rúnarsson, þjálfari Grindavíkur.

Katelyn er væntanleg til liðs við Grindavík í enda mars.

Grindavík hafnaði í sjötta sæti Lengjudeildarinnar í fyrra og verður fróðlegt að sjá hvernig liðinu vegnar í sumar.