Arnór Sigurðsson verður ekki með íslenska landsliðinu gegn Úkraínu í úrslitaleik um sæti á EM vegna meiðsla.
Hann þurfti að fara af velli vegna meiðsla á ökkla í sigrinum gegn Ísrael í gær eftir að Roy Revivo braut á honum og uppskar rautt spjald.
Mikil skakkaföll hafa verið á hópnum bæði í aðdraganda leiksins gegn Ísrael og einnig eftir leikinn en Jóhann Berg Guðmundsson gat ekki tekið þátt í leiknum og Arnór Ingvi Traustason varð einnig fyrir meiðslum í leiknum.
Stefán Teitur Þórðarson hefur verið kallaður inn í hópinn og líklegt þykir að Jóhann Berg verði klár í slaginn fyrir leikinn gegn Úkraínu.
Arnór Sigurðsson getur ekki tekið þátt í leiknum gegn Úkraínu vegna meiðsla.
— Knattspyrnusambandið (@footballiceland) March 22, 2024
Góðan bata Arnór!#afturáem pic.twitter.com/y1IEXRdMsp
Athugasemdir