Svona var lokastaðan í Serie A 1978/1979. Perugia endaði í öðru sæti þrátt fyrir að hafa ekki tapað leik.
FH og Stjarnan mætast í hreinum úrslitaleik um Íslandsmeistaratitilinn í lokaumferð Pepsi-deildarinnar um næstu helgi.
FH hefur unnið 15 leiki og gert 6 jafntefli á meðan Stjörnumenn hafa unnið 14 leiki og gert 7 jafntefli.
Sú ótrúlega staða er komin upp að Stjarnan gæti farið taplaust í gegnum mótið en samt endað í 2. sæti þar sem jafntefli um næstu helgi þýðir að FH-ingar verða Íslandsmeistarar.
FH hefur unnið 15 leiki og gert 6 jafntefli á meðan Stjörnumenn hafa unnið 14 leiki og gert 7 jafntefli.
Sú ótrúlega staða er komin upp að Stjarnan gæti farið taplaust í gegnum mótið en samt endað í 2. sæti þar sem jafntefli um næstu helgi þýðir að FH-ingar verða Íslandsmeistarar.
Ef bæði lið fara í gegnum mótið taplaust er um heimsmet að ræða eftir því sem Fótbolti.net kemst næst.
Það er þó ekki einsdæmi að lið geti endað í 2. sæti í deildarkeppni eftir að hafa farið taplaust í gegnum tímabil.
Tímabilið 1978/1978 endaði Perugia í 2. sæti í Serie A þrátt fyrir að tapa ekki leik á tímabilinu. Perugia gerði þá 19 jafntefli í 30 leikjum en AC Mlan tapaði þremur leikjum og varð samt meistari.
Árið 1951 endaði CSKA Sofia fimm stigum á undan Spartak Sofia í búlgörsku deildinni. Spartak vann 14 leiki og gerði 8 jafntefli en það dugði ekki til sigurs í deildinni líkt og gæti gerst hjá Stjörnunni núna.
Benfica tapaði ekki leik tímabilið 1977/1978 en endaði í 2. sæti í portúgölsku deildinni með lélegri markamun en Porto sem tapaði einum leik það tímabilið. Galatasaray tapaði líka á markamun gegn Besiktas í titilbaráttu í Tyrklandi 1985/1986 eftir 36 leiki án taps. Besiktas tapaði hins vegar tveimur leikjum það tímabilið.
Árið 2008 endaði Rauða Stjarnan í öðru sæti í serbnesku deildinni, fimm stigum á eftir Partizan Belgrad sem tapaði einum leik af 33 á tímabilinu.
Veistu betur?
Sendu endilega tölvupóst á [email protected] ef þú hefur betri upplýsingar en hér að ofan.
Athugasemdir