Styttist í'etta! Náttúran hefur séð vel um að vökva völlinn. Áhorfendur vel klæddir og fyllt vel upp í stúkuna.

Byrjunarliðin eru komin inn. Tímabilið í Bestu deildinni hefst í dag en fyrstu tveir leikirnir hefjast klukkan 14:00. Á Akureyri mætast KA og KR.

Liðunum er spáð harðri baráttu um fjórða og síðasta Evrópusætið í deildinni.

Steinþór Már Auðunsson, Stubbur, er í rammanum hjá KA en Kristijan Jajalo meiddist á dögunum og verður sennilega frá næstu vikurnar. Simen Lillevik Kjellevold gekk til liðs við KR í vetur og er í rammanum.

Þórsarinn Jakob Franz Pálsson gekk til liðs við KR frá Venezia á láni og er í byrjunarliðinu gegn erkifjendum sínum. Þá stilla liðin upp einum nýjum leikmanni til viðbótar; Færeyingurinn Pætur Petersen hjá KA og Norðmaðurinn Olav Öby hjá KR.

Orri Steinn spáir öruggum heimasigri KA 3 - 0 KR (14:00)
Það er alltaf erfitt að fara til Akureyrar og sækja sigur, KA rútíneraðir og taka 3-0 sigur. Minn maður Sveinn Margeir verður balling og setur 2.

Besta deildin hefst í dag með heilli umferð. Tveir leikir hefjast klukkan 14:00. KA fær KR í heimsókn norður á land.

????Greifavöllurinn
??14:00
??@KAakureyri ????@KRreykjavik
?????Miðasala á https://t.co/gOIMRhybun pic.twitter.com/BwImylfvSf

— Besta deildin (@bestadeildin) April 10, 2023

Einar Guðnason fyrrum aðstoðarþjálfari Víkings fór yfir málin hjá báðum liðum Styrkleikar: Helstu styrkleikar KR eru í þjálfaranum Rúnari Kristinssyni sem er einn af okkar virtustu og dáðustu sonum. Hann sýnir sínum leikmönnum yfirleitt traust sem þeir gera allt til að endurgjalda. Hann hefur unnið titla með KR og hefur litla þolinmæði fyrir öðru en titilbaráttu.

Veikleikar: Vörn og markvarsla. Þeir hafa misst helstu leiðtogana úr varnarleiknum og Beiti úr markinu. Það mun vafalaust taka tíma fyrir nýtt hafsentapar og norska markvörðinn Kjellevold að mynda góð tengsl og traust sín á milli.


Spurningarnar: Stærsta spurningamerki KR er nýi norski markmaðurinn þeirra, Simen Kjellevold, sem kemur frá Grorud í Noregi sem féll úr B-deild á síðasta tímabili þar sem þeir fengu 69 mörk á sig. Er hann nógu góður til að spila fyrir KR?

Þrír lykilmenn: Atli Sigurjónsson er framliggjandi miðjumaður/kantmaður sem var besti leikmaður KR í fyrra. Hann mun bera sóknarleik KR á bakinu í sumar. Kristján Flóki Finnbogason, framherjinn sem missti af meirihluta síðasta sumars vegna meiðsla. Hann er mættur í standi og er tilbúinn til að raða inn mörkum. Theodór Elmar Bjarnason er hæfileikaríkasti leikmaður KR sem getur leyst mörg hlutverk á vellinum. Það fer að síga á seinni hlutann á hans ferli og ég er ekki í vafa um að hann vilji enda ferilinn með stæl.


Leikmaður sem á að fylgjast með: Jóhannes Kristinn Bjarnason er gríðarlega spennandi 18 ára miðjumaður af rosalegri fótboltaætt sem kom fá Norrköping í vetur. Leikmaður sem maður hefur vitað af í mörg ár og átti góða spretti í Svíþjóð en er kominn aftur í KR þar sem mun án efa gera góða hluti í sumar.

Völlurinn: Meistaravellir eða Frostaskjólið er sögufrægur leikvöllur í íslenskum fótbolta. Það er mikil saga og mikil hefð þarna. Stemningin hefur ekki verið góð á vellinum upp á síðkastið, það verður að segjast eins og er. Spurning er hvort hún verði meiri í sumar

Spurning hvernig Hallgrími gangi að miðla sinni reynslu Styrkleikar: Varnarleikur hefur verið aðalsmerki KA síðustu ár og þó að Arnar Grétars sé farinn hef ég trú á að Hallgrímur, sem veit svo sannarlega hvernig á að spila vörn, muni ekki gefa eftir í þeim efnum. Stöðugleiki, það eru margir norðanmenn í liðinu í bland við nokkra sterka aðkomumenn sem hafa verið þarna lengi og upplifað margt saman.

Veikleikar: Það eru þó nokkrir meiðslapésar í KA-liðinu sem hafa verið að missa úr undanfarin ár, eins hafa menn verið að detta í ódýr bönn og þeir hafa ekki breidd í að vera að berjast á mörgum vígstöðum. Ef KA ætlar að vera með í öllum keppnum þá þarf að rótera vel og það er óvíst hvort þeir hafi hópinn í það.

Spurningarnar: Hallgrímur átti glæsilegan feril sem leikmaður og er spennandi þjálfari en er óreyndur sem aðalþjálfari. Hann vissulega stýrði nokkrum leikjum í fyrra en nú þarf hann að setja upp undirbúningstímabil og undirbúa liðið fyrir alvöruna; deild, bikar og Evrópukeppni. Er hann tilbúinn? Nær hann að miðla allri sinni visku til liðsins sem þjálfari?



Þrír lykilmenn: Hallgrímur Mar Steingrímsson er ótrúlega hæfileikaríkur leikmaður sem spilar alltaf betur á oddutölu árum. Rodri er einn af allra bestu djúpu miðjumönnum deildarinnar. Hafsentinn Dusan Brkovic á stóran þátt í því hve sterkur varnarleikur KA hefur verið undanfarin ár.

Leikmaður sem á að fylgjast með: Daníel Hafsteinsson kom gríðarlega sterkur inn í Pepsi-deildina 2018 og fylgdi því eftir árið 2019 og var seldur til Helsingborg. Dvölin þar gekk ekki upp og það hefur ekki eins mikið farið fyrir honum síðan. Í ár verður hann 24 ára og ég trúi því að þetta verði árið þar sem hann taki við sem besti leikmaður KA.

Völlurinn: Greifavöllurinn er heimavöllur KA, en þeir gulklæddu á Akureyri færðu sig yfir á gervigrasið á KA-svæðinu í fyrra. Það er komin upp stúka þar og núna þarf KA ekki að hafa áhyggjur af ömurlegu grasi. KA ætti að geta búið til alvöru stemningu þarna ef stuðningsmenn liðsins fjölmenna.

Komnir/Farnir hjá KR
Luke Rae

Komnir
Jakob Franz Pálsson á láni frá Venezia
Jóhannes Kristinn Bjarnason frá Norrköping
Luke Rae frá Gróttu
Olav Öby frá Noregi
Simen Lillevik Kjellevold frá Noregi

Farnir
Arnór Sveinn Aðalsteinsson í Breiðablik
Beitir Ólafsson hættur
Emil Ásmundsson í Fylki
Hallur Hansson
Kjartan Henry Finnbogason í FH
Pálmi Rafn Pálmason hættur
Þorsteinn Már Ragnarsson hættur

Komnir/Farnir hjá KA
Pætur Pedersen
Komnir
Birgir Baldvinsson frá Leikni (var á láni)
Harley Willard frá Þór
Ingimar Torbjörnsson Stöle frá Viking
Kristoffer Forgaard Paulsen á láni frá Viking
Pætur Petersen frá HB í Færeyjum

Farnir
Bryan Van Den Bogaert til Kasakstan
Gaber Dobrovoljc til Slóveníu
Hallgrímur Jónasson (orðinn þjálfari liðsins)
Nökkvi Þeyr Þórisson til Beerschot

Partýið fer að byrja! Góðan og blessaðan daginn.

Ég mun fara yfir það helsta sem gerist í leik KA og KR á Greifavellinum í fyrstu umferð Bestu deildarinnar. Um er að ræða ansi áhugaverðan leik, KA er spáð 4. sæti af fótbolta.net og KR spáð 5. sæti.


mánudagur 10. apríl
Beinar textalýsingar
14:00 Fylkir - Keflavík
14:00 KA - KR
18:30 Valur - ÍBV
19:15 Stjarnan - Víkingur
19:15 Fram - FH
20:00 Breiðablik - HK

Spáin:
1. Breiðablik, 140 stig
2. Valur, 131 stig
3. Víkingur, 124 stig
4. KA, 106 stig
5. KR, 91 stig
6. Stjarnan, 84 stig
7. FH, 72 stig
8. ÍBV, 66 stig
9. Fram, 47 stig
10. Keflavík, 32 stig
11. Fylkir, 26 stig
12. HK, 17 stig