Veislan að hefjast! Kjöraðstæður í Árbænum og liðin ganga hér til vallar undir stefi Bestu deildarinnar. Góða skemmtun!

Búið að ræsa Candy floss vélina Eftirvænting í lofti í Árbænum og trommusláttur farinn að heyrast í stúkunni. Fyrir vallargesti er boðið upp á hina hefðbundnu vallarborgara en einnig getur fólk fengið sér pizzur, nú eða Candy floss. Búið er að ræsa Candy floss vélina, hátíðarstemning.

Úkraínski miðvörðurinn Oleksiy Kovtun er ekki kominn með leikheimild með Keflavík og er því ekki í leikmannahópnum. Bæði lið eru byrjuð að hita upp fyrir átök dagsins.

Hver skorar fyrsta mark Bestu deildarinnar í ár?

Svona er byrjunarlið Keflavíkur

Byrjunarliðin eru komin inn

Viðrar vel fyrir Bestu deildina Eftir ansi misjafnt vður um páskahátíðina þá er prýðilegt veður hér í Árbænum. Léttskýjað, smá gola og 8 gráður. Það er verið að vökva völlinn og gera allt klárt. Ég verð að hryggja Keflvíkinga með því að Fylkir er með ótrúlegt sigurhlutfall þegar ég textalýsi frá Würth vellinum.

Orri Steinn Óskarsson spáir heimasigri

Fylkir 2 - 1 Keflavík (14:00)
Fylkir mæta ferskir uppí bestu deildina, teppið í Árbænum klikkar seint, taka 2-1 sigur og 3 stig í pokann.

Sjáðu spá Orra fyrir 1. umferðina

Alvarinn með flautuna

Dómari: Vilhjálmur Alvar Þórarinsson, aðstoðardómarar: Eðvarð Eðvarðsson og Antoníus Bjarki Halldórsson. Fjórði dómari: Arnar Ingi Ingvarsson.

Einar Guðnason rýnir í Fylki Styrkleikar: Fylkismenn eru þéttir fyrir og vel skipulagðir varnarlega og með sterka miðju. Rúnar Páll þekkir það að byggja upp gott lið með góðan anda og einfalt og gott leikskipulag sem ætti að henta þessu unga liði. Þeir eru með marga uppalda Fylkismenn sem er styrkur.

Veikleikar: Þá vantar meira skapandi flæði framávið og framúrskarandi leikmenn í sóknina til þess að búast við einhverju meira en fallbaráttu. Það er líka spurning hvort að þeir hafi nógu og sterka leiðtoga inn á vellinum til að takast á við mótlæti. Það er lítil breidd í liðinu þannig að Fylkismenn verða að treysta á að þeirra helstu lykilmenn haldist heilir.

Spurningarnar: Emil Ásmundsson er gæðaleikmaður sem lenti í erfiðum meiðslum, mun hann ná sér á strik? Hvernig ná Fylkismenn að fylla skarð Mathias Laursen sem missir af mótinu en hann skoraði 15 mörk í fyrra?



Þrír lykilmenn: Miðvörðurinn Ásgeir Eyþórsson er með mikla reynslu og er afar mikilvægur í hjarta varnarinnar. Arnór Gauti Jónsson er spennandi miðjumaður í U21 landsliðinu og Benedikt Daríus Garðarsson er leikmaður sem er búinn að vinna sig upp stigann alla leið úr 4. deild. Hann spilaði stórt hlutverk í Lengjudeildinni í fyrra og var virkilega flottur.

Leikmaður sem á að fylgjast með: Benedikt Daríus Garðarsson skoraði 14 mörk í Lengjudeildinni í fyrra og hefur líka verið að set'jann á undirbúningstímabilinu. Sprækur leikmaður sem ég hlakka til að sjá í Bestu deildinni.

Ingólfur Sigurðsson rýnir í Keflavík Styrkleikar: Ég hef áður sagt að Sigurður Ragnar, þjálfari liðsins, sé mikilvægasti leikmaður Keflvíkinga. Siggi Raggi hefur sýnt á undanförnum árum, og sérstaklega í fyrra, hversu öflugur hann er að smíða saman lið.

Veikleikar: Alltof margar breytingar á byrjunarliðinu á milli ára. Það segir sig nánast sjálft að þegar meira en hálft byrjunarlið hverfur á braut á einu bretti að það getur tekið tíma að búa til nýtt samkeppnishæft lið. Lenging mótsins mun klárlega vinna með Keflavík.

Spurningarnar: Nýju mennirnir. Þeir þurfa að standa undir væntingum og rúmlega það, ef vel á að ganga.



Þrír lykilmenn: Nacho Heras, frekar vanmetinn í íslenskum fótbolta, frábær varnarmaður og skilar alltaf mörkum í föstum leikatriðum. Frans Elvarsson, hann er búinn að vera þeirra leiðtogi undanfarin ár. Sami Kamel, spennandi leikmaður sem kom í vetur og hefur heillað.

Leikmaður sem á að fylgjast með: Jóhann Þór Arnarsson. Hann er spennandi sóknarmaður, spilað hjá Víði undanfarin tvö tímabil og raðað inn mörkum í 3. deildinni. Spennandi að sjá hvort hann fái traustið.

Komnir/Farnir hjá Fylki
Pétur Bjarnason

Komnir:
Elís Rafn Björnsson frá Stjörnunni
Emil Ásmundsson frá KR
Jón Ívan Rivine frá Gróttu
Ólafur Karl Finsen frá Stjörnunni
Pétur Bjarnason frá Vestra
Valgeir Árni Svansson frá Hönefoss

Farnir:
Aron Örn Þorvarðarson í Hauka (á láni)
Ásgeir Börkur Ásgeirsson í ÍR
Hallur Húni Þorsteinsson í Hauka (á láni)

Komnir/Farnir hjá Keflavík
Sami Kamel

Komnir:
Daníel Gylfason frá Kórdrengjum
Gunnlaugur Fannar Guðmundsson frá Kórdrengjum
Jordan Smylie frá Ástralíu
Marley Blair
Mathias Rosenörn frá KÍ Klaksvík
Sami Kamel frá Noregi
Stefan Ljubicic frá KR
Viktor Andri Hafþórsson frá Fjölni

Farnir:
Adam Ægir Pálsson í Val (var á láni frá Víkingi)
Dani Hatakka í FH
Ingimundur Aron Guðnason hættur
Joey Gibbs í Stjörnuna
Kian Williams til Kanada
Patrik Johannesen í Breiðablik
Rúnar Þór Sigurgeirsson til Öster
Sindri Kristinn Ólafsson til FH
Adam Árni Róbertsson í Þrótt Vogum

Gleðilega hátíð! Besta deildin er að rúlla af stað. Ég er í Árbænum þar sem Fylkir og Keflavík eigast við. Fylki er spáð 11. sæti og þar með falli aftur niður í Lengjudeildina en Keflavík er spáð 10. sæti í spá Fótbolta.net.



Beinar textalýsingar
14:00 Fylkir - Keflavík
14:00 KA - KR
18:30 Valur - ÍBV
19:15 Stjarnan - Víkingur
19:15 Fram - FH
20:00 Breiðablik - HK

Spáin:
1. Breiðablik, 140 stig
2. Valur, 131 stig
3. Víkingur, 124 stig
4. KA, 106 stig
5. KR, 91 stig
6. Stjarnan, 84 stig
7. FH, 72 stig
8. ÍBV, 66 stig
9. Fram, 47 stig
10. Keflavík, 32 stig
11. Fylkir, 26 stig
12. HK, 17 stig