SKÝRSLAN: Afturelding aftur á langþráða sigurbraut
Hvað réði úrslitum?
Ivo Braz og hans gæði kláruðu þetta fyrir Aftureldingu í dag. Leikurinn var ekki mikið fyrir augað endilega en þá kom það í hlut einstaklingana á vellinum að sýna gæðin sín. Sterkur sigur fyrir Aftureldingu sem byggir vafalaust á sjálfstraust liðsins fyrir lokasprettinn.
Bestu leikmenn
1. Ivo Braz
Skoraði sigurmarkið og lagði upp fyrra markið. Komst í færi til að skora fyrr í leiknum og hefði sennilega frekar átt að nýta það en skotið sem sigurmarkið kom úr en það kemur ekki að sök og Ivo var frábær í leiknum fyrir Aftureldingu.
2. Rasmus Christiansen
Fær þennan dálk fyrir hönd varnarmanna Aftureldinga. Þeir héldu Njarðvíkingum alveg í skefjum og gáfu enginn færi á sér.
Atvikið
Sigurmarkið. Gríðarlega þröngur vinkill og færi sem Ivo nýtir frábærlega og sækir sigurinn fyrir Aftureldingu.
Hvað þýða úrslitin?
Afturelding komst aftur á sigurbraut og heldur í toppsætið. Fjögurra leikja sigurganga Njarðvíkur er stöðvuð og þeir eru áfram í 9.sætinu þangað til annað kemur í ljós.
Vondur dagur
Rafael Victor sást lítið í leiknum eftir að hafa verið á eldi frá því Gunnar Heiðar tók við. Var þó ekki langt frá því að skora undir lok leiks en skallinn fór því miður framhjá.
Dómarinn - 7
Solid 7. Var með flest allar ákvarðanir réttar fannst manni þó svo stuðningsmenn beggja liða lögðu oft til betri niðurstöðu.