Stutt í þetta! Liðin ganga þá til vallar og takast í hendur.

Byrjunarliðin Liðin komin í hús og það helsta er kannski það að Sami Kamel er meiddur og er ekki í hóp. Sindri Snær er að taka út leikbann og Ignaciao er að byrja sinn fyrsta leik eftir meiðslin í Maí. Höskuldur er veikur og er ekki í hóp, Kristinn Steidórs er heldur ekki með og Oliver Stefáns er að taka út leikbann. Síðan eru tveir 2005 að byrja hjá Breiðablik.

Þá ganga liðin til búningsherbergja og gera sig klár í slaginn.

Byrjar Anton eða byrjar Brynjar Atli? Það hafa verið miklar umræður um það hvort að Anton eða Brynar byrji í kvöld en Óskar gaf það hálfpartinn út að Anton myndi byrja þennan leik. Þetta er kannski staðan sem fólk er að ræða hvað mest um á kaffihúsunum niðri í bæ þessa dagana. Það er markmannstaðan hjá Breiðablik. Ætli Óskar sæki sér nýjan markmann eftir þetta tímabil?

Breiðablik Það er auðvitað mjög stutt á milli leikja núna hjá Breiðablik en seinasti leikurin þeirra í deildinni var fyrir norðan gegn KA en leikurinn fór 1-1. Blikarnir urðu fyrir því óláni að fá rautt spjald í fyrri hálfleik, Oliver Stefánsson, en staðan í hálfleik var 1-1 og þeir náðu að halda stigið út.
Blikarnir horfa líklega núna á lið eins og Víking og Val, sem eru á rosalegur skriði, og hugsa líklega það að það er mjög lítill sem enginn möguleiki fyrir þá að ná þeim. Óskar hlýtur að vera með hugann við Evrópu því það er langt síðan íslenskt lið hefur verið í slíku dauðafæri um að komast í riðlakeppni evrópu. Samt finnst manni eins og umfjöllunin sé ekki þannig eins og þeir séu komnir með hálfan fótinn inn í Evrópu, þriðja sæti í deild og með magnaðan mannskap.

Stemningin í Breiðablik, áhugaverð Það er mjög skrýtin stemning í kringum þetta Blikalið. Þetta er eitt besta lið landsins og eru í dauðafæri að komast í riðlakeppni evrópu fyrst allra Íslenskra liða. Samt finnst manni umfjölluninn alls ekki þannig. Það er auðvitað nýbúið að reka Óla Kristjáns úr stöðu sinni sem yfirmaður knattspyrnumála hjá Breiðablik. Það virtist eins og hann, stjórnin og Óskar hafi ekki alveg verið að róa í sömu átt.

RÆTT UM ÓLGU INNAN BREIÐABLIKS - „TVÆR DROTTNINGAR AÐ STÝRA ÞESSU"
Samningi Óla Kristjáns sagt upp

Keflavík kunna ekki að vinna Það þarf að fara alla leið í fyrstu umferðina til þess að finna seinasta sigur Keflvíkinga í deildinni í sumar. Eins og flestir vita þá er Siggi Raggi hættur með Keflavík en Halli Gumm er búinn að taka við liðinu tímabundið. Keflvíkingar eru 6 stigum frá öruggu sæti þegar það eru þrír leikir eftir af hefðbundnu móti. Nær Keflavík að halda sér uppi?
Það er allaveganna ljóst að þeir eru á því máli að þeir geta það. Seinasti leikur Keflvíkinga fór 1-1 í dramtískum leik gegn Val þar sem Sami Kamel kom Keflavík yfir á 95. mínútu en Valsmenn náðu að jafna á 96. mínútu. Er hægt að súmmera tímabil Keflvíkinga betur? Held ekki. Þrátt fyrir það að þeir unnu seinast í fyrstu umferð hafa þeir verið sprækir á heimavelli gegn þessum stóru liðum og náð í jafntefli til að mynda á móti Víkingi R, Val og Stjörnunni. Það verður allaveganna ekki auðvelt fyrir þá að sækja stig í kvöld.

Sú besta! Heilir og sælir ágætu lesendur og verið hjartanlega velkomin í þráðbeina textalýsingu frá Kópavogsvelli þar sem Breiðablik og Keflavík munu mætast klukkan 18:00 í Bestu deildinni.