SKÝRSLAN: Blikarnir númeri of stórir fyrir Keflavík
Hvað réði úrslitum?
Bara gæðin í Blikaliðinu. Keflavík réðu ekkert við þá í seinni hálfleik og þeir geta þakkað Mathiasi í markinu að leikurinn fór ekki verr.
Bestu leikmenn
1. Ágúst Eðvald Hlynsson
Mjög auðvelt val. Skorar tvö mörk í 2-1 sigri og var stanslaust að ógna. Hann tengdi mjög vel við Jason og nýtti færin sín vel. Þegar hann er í þessum gír þá er erfitt að ráða við hann og persónulega finnst mér hann best nýttur á vinstri vængnum.
2. Mathias Rosenörn
Mjög skrýtið að gefa houm þetta þar sem hann fékk tvö mörk á sig og Keflavík tapaði en Keflvíkingar geta þakkað honum að tapið varð ekki stærra. Bjargaði Keflvíkingum trekk í trekk og hélt þeim inni í þessum leik lengi vel.
Atvikið
Ég myndi segja rauða spjaldið á Osmani. Auðvitað er Kristófer kominn einn í gegn og allt það. En leikurinn var eiginlega búinn og alveg sama þótt hann fari 2-1 eða 3-1. Síðan er hann á leiðinni líka í leikbann í mjög mikilvægum leik gegn Fram næstu helgi.
Hvað þýða úrslitin?
Keflavík eru núna 7 stigum frá öruggu sæti og eru ennþá á botninum. Breiðablik hinsvegar minnkuðu bilið í fjögur stig mili þeirra og Vals.
Vondur dagur
Edon Osmani. Erfitt að velja einhvern einn úr liði Keflvíkinga en Osmani fær þetta í dag. Fannst hann ekki næginlega góður á köflum í dag og kóronaði daginn með þessu rauða spjaldi.
Dómarinn - 9
Bara mjög flottur dagur hjá teyminu í dag. Fannst lang flestar ef ekki allar ákvarðanirnar hjá þeim bara spot on og þeir geta gengið stoltir frá borði í kvöld.