SKÝRSLAN: Vestramenn með Leiknismenn upp við kaðlana á Domusnova í dag
Hvað réði úrslitum?
Vestramenn voru betri frá upphafi til enda á Domusnovavellinum í dag en Leiknismenn gerðu lítið sem ekkert fyrir utan markið sem liðið skoraði. Vestramenn hefðu átt að skora fleiri en bara tvö í dag en liðið fór ílla með fínar sóknir á síðasta þriðjungi vallarins.
Bestu leikmenn
1. Benedikt V. Warén (Vestri)
Benedikt var besti maður vallarins í dag. Fór ansi mikið í gegnum hann á vinstri vængnum og svo skoraði Benedikt fyrsta mark Vestra.
2. Vladimir Tufegdzic (Vestri)
Tufegdzic var góður á miðjunni hjá Vestra í dag og Tufa skoraði sigurmark Vestra í leiknum.
Atvikið
Sigurmarkið - Benedikt Warén náði skoti sem Viktor varði og Tufegdzic náði frákastinu og setti boltann í netið.
Hvað þýða úrslitin?
Leiknismenn eru í fimmta sæti deildarinnar með 26.stig á meðan Vestri lyftir sér upp í það fjórða og er liðið nú með 27.stig og er pakkinn um sæti í Playoffs orðin rosaleg en fjórar umferðir eru eftir af deildinni.
Vondur dagur
Daníel Finns Matthíasson var týndur fyrir utan markið sem hann skoraði og svo innkoman hjá Valgeiri Árna var mjög léleg en Benedikt Warén lék sér að Valgeiri ansi oft.
Dómarinn - 10
Arnar Ingi Ingvarsson var með allt upp á 10 á vellinum og frábærlega dæmdur leikur hjá honum og hans aðstoðarmönnum.