Til hamingju Spánverjar! Takk fyrir samfylgdina í dag!

Cata Coll grípur hornið!

Hætta í vítateig Spánar. England fær hornspyrnu. Mary Earps markvörður á leið fram.

Þetta er að hafast hjá spænska liðinu.

Hættuleg hornspyrna hjá Spáni en boltinn endar afturfyrir. Markspyrna.

Paralluelo með skot sem Bronze kastar sér fyrir. Það virðist ekki mikið eftir á tanknum hjá enska liðinu.

Enska liðinu gengur bölvanlega að halda boltanum. Hefur ekkert náð að ógna hér í framlengingu.

Stórhættuleg sókn Spánar en Paralluelo missir boltann framhjá sér.

Paralluelo tekur hornspyrnu. England nær að skalla frá.

Spænska liðið hefur haldið boltanum mun betur innan liðsins og heldur því áfram. Ona Batlle með skot sem Mary Earps nær að verja vel. Hefur staðið fyrir sínu í marki Englands.

Nóg eftir!

Jennifer Hermoso þarf aðhlynningu eftir baráttu við Stanway.

Leikurinn er kominn í gang aftur. Ljóst að það verður þokkalegur uppbótartími í þessum leik.

Englendingar í leit að jöfnunarmarki. James með skot úr þröngu færi sem Cata Coll slær yfir!

Lauren James kom inn á í hálfleik og hér var hún ekki langt frá því að jafna leikinn með lúmsku skoti pic.twitter.com/nA6tkV4QkI

— RÚV Íþróttir (@ruvithrottir) August 20, 2023

Earps fer í rétt horn og ver þetta!!! Slappt víti. Þessi vítavarsla gæti gefið Englandi meðbyr.

Þvílík dramatík! Mary Earps ver spyrnu Jennifer Hermoso og England er ennþá inni í leiknum pic.twitter.com/7jCrF0tV6E

— RÚV Íþróttir (@ruvithrottir) August 20, 2023

Eftir að hafa skoðað atvikið aftur og aftur og aftur og aftur í VAR skjánum þá tilkynnir dómarinn að það sé víti! Spánn getur tvöfaldað forystuna.

Spánn fær víti!! Boltinn fer í höndina á Walsh og dómarinn tók sér góðan tíma í að skoða atvikið í VAR-skjánum pic.twitter.com/j3HZFRyjGn

— RÚV Íþróttir (@ruvithrottir) August 20, 2023

Dómarinn er sendur í skjáinn. Boltinn í hendina á Keira Walsh.

Með boltann: 60-40% Skot: 7-4 Skot á mark: 3-2 Horn: 3-1 Brot: 5-10 Paralluelo með skot framhjá eftir hættulega sókn Spánar.

Aitana Bonmatí með góða skottilraun! Nálægt því að hitta markið.

Spánverjar eru svo snöggir að refsa fyrir mistök Englendinga, hér er hörkuskot frá Bonmati! pic.twitter.com/08Gc9hUycu

— RÚV Íþróttir (@ruvithrottir) August 20, 2023

„Þetta er hlið á enska liðinu sem við höfum ekki séð áður á þessu móti. Maður sér það á vellinum að það er stress og pirringur í liðinu. Þær þurfa að finna taktinn og spila af meiri ákefð, því þá er liðið best," segir Karen Bardsley, fyrrum markvörður Englands, við BBC.

Jennifer Hermoso og Georgia Stanway

Lauren Hemp skýtur framhjá eftir fyrirgjöf fá hægri.

England fær líka sín færi en hér tekst Lauren Hemp ekki að stýra boltanum á markið pic.twitter.com/5MmYk35f10

— RÚV Íþróttir (@ruvithrottir) August 20, 2023

Sarina Wiegman hefur skipt í hefðbundna fjögurra manna varnarlínu. Jess Carter færist í vinstri bakvörðinn, Lauran James fer á vænginn, Chloe Kelly á hinum vængnum og Lauren Hemp er fremst. Ella Toone er í 'tíunni'.

Mary Earps ver frábærlega í hornspyrnu!

Þær spænsku byrja seinni hálfleikinn einnig af krafti og hér er Caldentey með fínt skot en flott markvarsla hjá Earps! pic.twitter.com/nJR5CBJxax

— RÚV Íþróttir (@ruvithrottir) August 20, 2023

England með tvöfalda skiptingu í hálfleik. Spurning hvort þjálfararnir hafi ekki nýtt hálfleiksræðuna vel. Persónulega nýtti ég hálfleikinn vel, í egg og beikon nánar tiltekið.

Paralluelo átti skot í utanverða stöngina.

Staðan er 1-0 í hálfleik en Spánverjar voru svo nálægt því að tvöfalda forystuna með síðustu spyrnu fyrri hálfleiks pic.twitter.com/rdsMbet0gz

— RÚV Íþróttir (@ruvithrottir) August 20, 2023

Ella Toone í dauðafæri en hittir ekki boltann. Flaggið fór á loft. Hefði ekki talið.

Spænska liðinu líður afskaplega vel með boltann og er með stjórnina. Eftir aukaspyrnu á Irene Paredes skot framhjá!

Þetta er í annað sinn á mótinu sem England lendir undir, liðið lenti undir gegn Kólumbíu en kom til baka og vann.

Það mætti boðflenna inn á völlinn rétt áðan en öryggisgæslan var fljót að handsama viðkomandi.

64% - 36% Fjörug byrjun á leiknum og staðan gæti hæglega verið 1-1.

Alba Redondo með skot sem er varið! Salma Paralluelo hitti ekki boltinn og hann barst á Redondo sem var í dauðafæri en náði ekki nægilega góðu skoti. Mary Earps varði.

Spánverjar í dauðafæri! Ótrúlegt að þessi hafi ekki endað í netinu pic.twitter.com/RP6D5TpKwI

— RÚV Íþróttir (@ruvithrottir) August 20, 2023

Letizia, prinsessan af Asturias, drottning Spánar er á vellinum.

Ella Toone svo nálægt því að koma Englandi yfir en skýtur í þverslána!

Það er England sem á fyrsta alvöru færi í úrslitaleiknum! Skot í slána en Spánn slapp með skrekkinn pic.twitter.com/lOvTCQpM2V

— RÚV Íþróttir (@ruvithrottir) August 20, 2023

Mariona Caldentey með skot sem hittir ekki markið. Búið að dæma aukaspyrnu í aðdragandanum.

Spánn í hættulegri skyndisókn en fyrirgjöfin ekki nægilega góð og fer beint á varnarmann.

Og hún er Englendinga. Alessia Russo í harðri baráttu í teignum og vinnur horn. Spyrnan er samt alls ekki sérstök og Cata Coll handsamar boltann af öryggi.

Salma Paralluelo brýtur af sér og Penso dómari veitir henni tiltal. Stórskemmtilegur leikmaður Paralluelo og skemmtilegt að Vilda verðlauni hana með byrjunarliðssæti í dag.

Leikurinn hefst á þreifingum beggja liða. England reynir að sækja upp hægra megin en Irene Paredes setur boltann í innkast. Eftir það nær Lauren Hemp fyrsta skoti á markið en það er laflaust og Cata Coll ver af öryggi.

Góða skemmtun!

Það lið sem hefur verið fyrra til að skora hefur unnið fimm af sjö úrslitaleikjum HM kvenna til þessa.

Sarina Wiegman þjálfari Englands er með óbreytt byrjunarlið, svo Lauren James sem er komin úr banni byrjar á bekknum. Ella Toone heldur sæti sínu og England spilar með þriggja miðvarða kerfi. Alessia Russo og Lauren Hemp leiða sóknarlínuna.

Spánverjar vöknuðu snemma og tilkynntu sitt byrjunarlið. Hin nítján ára gamla Salma Paralluelo, sem kom af bekknum og skoraði í 8-liða úrslitum og undanúrslitum, er í byrjunarliðinu. Alexia Putellas, handhafi Ballon d'Or holder, er á bekknum. Aitana Bonmati sóknarmiðjumaður Barcelona byrjar. Byrjunarlið Englands ætti að detta inn á næstu mínútum.

Hin hollenska Sarina Wiegman hefur fyrir löngu stimplað sig sem einn besti fótboltaþjálfari í heiminum. Wiegman hefur umbylt enska kvennalandsliðinu en hún stýrði liðinu til Evrópumeistaratitils á síðasta ári. Þar áður varð hún Evrópumeistari með Hollandi og kom hún Hollendingum einnig í úrslitaleikinn á HM 2019. Hollenska liðið tapaði reyndar þeim leik gegn ógnarsterku liði Bandaríkjanna. Wiegman elskar úrslitaleiki en hún er núna að fara í sinn fjórða úrslitaleik á stórmóti í röð. Það sem meira er að þá vantar algjöra lykilmenn í enska liðið; það vantar fyrirliðann Leah Williamson og það vantar Beth Mead, sem var best á EM í fyrra.

„Augljóslega er þetta stærsti leikurinn, sá sem manni dreymir um og skiptir mestu máli," segir Alessio Russo, sóknarmaður enska liðsins. Hún hefur byrjað alla leiki Englands á mótinu og skoraði gegn Ástralíu í undanúrslitum. „Maður fær fiðringinn þegar við erum í göngunum og klár í að labba inn á völlinn. Þetta er magnaður viðburður, ótrúlegt mót og þarna viljum við vera. Ég get ekki beðið." Russo segist hafa þóst vera að spila úrslitaleik HM þegar hún lék sér við bræður sína í æsku. „Við vorum að leika okkur og gefa ímyndunaraflinu lausan tauminn. Það er sérstök tilfinning að vera að spila úrslitaleik HM á sunnudaginn," segir Russo.

Jorge Vilda þjálfari spænska kvennalandsliðsins segir að liðið væri ekki komið í úrslitaleik HM ef fótboltasamband Spánar hefði ekki sýnt honum stuðning þegar leikmenn liðsins snerust gegn honum á síðasta ári. Tæpt ár er síðan fimmtán leikmenn landsliðsins skrifuðu undir tölvupóst og kröfðust þess að Vilda yrði rekinn. Leikmennirnir sögðu að þjálfaratíð Jorge Vilda hefði haft neikvæð áhrif á andlega heilsu sína og að þær myndu hætta að spila fyrir landsliðið nema hann yrði rekinn. Spænska sambandið stendur með Vilda og sagði það ekki í verkahring leikmanna að reka eða ráða þjálfara. „Þessar aðgerðir eru langt frá því að vera til fyrirmyndar og eru utan við gildi fótbolta og íþrótta. Að taka þessar ákvarðanir eru ekki á valdsviði leikmanna," sagði spænska sambandið í yfirlýsingu í fyrra. Það borgaði sig svo sannarlega að sýna Vilda stuðning. Þær sem skrifuðu undir bréfið voru settar til hliðar en þrjár af þeim hafa síðan snúið aftur og eru í HM hópnum; Mariona Caldentey, Aitana Bonmati og Ona Batlle. Lestu nánar um málið

Lauren James leikmaðr Englands fékk tveggja leikja bann eftir að hún steig á andstæðing sinn í leik gegn Nígeríu í 16-liða úrslitum. Hún er lögleg í úrslitaleiknum. „Lauren er framúrskarandi leikmaður og mun halda áfram að skapa magnaðar stundir fyrir land og lið," segir Emma Hayes, stjóri hennar hjá Chelsea. James hefur skorað þrjú mörk og átt þrjár stoðsendingar í þeim þremur leikjum sem hún hefur spilað á mótinu.

Liðin léku í 8-liða úrslitum á EM í fyrra, á heimavelli Brighton. England vann 2-1. Esther González kom Spáni yfir, Ella Toone jafnaði á 84. mínútu og Georgia Stanway skoraði sigurmarkið í framlengingu. England fór alla leið og vann sitt fyrsta stórmót í kvennaflokki.

Hin bandaríska Tori Penso fær það verkefni að dæma leikinn. Aðstoðardómararnir koma einnig frá Bandaríkjunum en fjórði dómarinn er japanskur og VAR dómarinn frá Níkaragva.

Spánn og England mætast í úrslitaleik HM kvenna, á Ástralíuleikvangnum í Sydney. Bæði lið eru í fyrsta sinn að leika til úrslita á HM svo það kemur nýtt nafn á bikarinn í dag. Leikvangurinn tekur 81.500 áhorfendur en hann var vígður í mars 1999.