Breiðholtsslagurinn helst í Lengjudeildinni. ÍR-ingar eru hólpnir og geta þakkað frábærum fyrri hálfleik fyrir.

Birnir Breki er að sleppa einn í gegn á móti markmanni. Tareq Shihab eltir hann þá uppi og tekur tæklinguna að aftan. Tekur ekkert nema boltann og kemur honum frá.

Hornspyrna hjá Leiknismönnum sem þeir koma inn á fjær. Það er mikil þvaga og margt að gerast og einhverstaðar sér dómarinn brot. Ég get ekki sagt.

Hornspyrna hjá Leiknismönnum og þeir lyfta boltanum inn í teiginn. Úr verður smá skallatennis þar sem allaveg þrír skalla boltanum fram og til baka og á endanum ná Leiknismenn skalla að marki en í slánna.

Vilhelm er kominn á fætur og hann heldur áfram.

Vilhelm Þráinn sest í grasið og þarf aðhlynningu. Vonandi fyrir þá jafnar hann sig fljótt á þessu.

Leiknismenn taka hornið en ÍR-ingar skalla frá. Gestirnir halda samt boltanum og Bogdan leggur boltann á Guðjón Pétur sem tekur skotið úr erfiðri stöðu en þessi bara rétt framhjá.

Greinilegt stress í ÍR-ingum og Leiknismenn hafa bara verið í sókn síðustu mínúturnar. Núna tkeur Axel Freyr skotið en í varnarmann og gestirnir fá horn.

Leiknismenn í sókn og það kemur frábær sending inn í teig á Bogdan. Hann er alveg dauðafrír á fjær en hann missir boltann bara rosalega langt frá sér þegar hann tekur á móti honum þannig að ÍR-ingar ná að hreinsa.

ÍR með aukaspyrnu, þeir taka fasta spyrnu sem fer af varnarmanni og hátt upp í loft. Ólafur í markinu er eitthvað óviss hvort hann eigi að blaka boltanum yfir eða hvort hann fari bara sjálfur. Ólafur á endanum augljóslega kemur við boltann, en dómarinn dæmir ekki horn.

Leiknismenn fá aukapsyrnu á hættulegum stað. Kári Steinn tekur spyrnuna og hann skýtur hátt yfir markið.

Frábær hálfleikur hjá heimamönnum og þeir eru komnir langleiðina með það að halda sér í deildinni. Eins og staðan er núna fellur Völsungur með met magn af stigum.

Guðjón Pétur tæklar að aftan og fer vel í gegnum manninn. Maður hefur oft séð gult spjald á þetta, en Stefán sleppir honum.

Leiknismenn alveg trylltir því þeir fá ekki aukaspyrnu á miðjum velli en á meðan þeir pæla í því þá skjótast ÍR-ingar upp í skyndisókn. Orri Bjarka kemst inn í teig og tekur skotið úr þröngu færi, fast en beint á Óla sem tekur þennan bolta.

Leiknismenn með skyndisókn og þeir eru komnir tveir gegn markmanni. Axel Freyr getur tekið skotið sjálfur en rennur honum á Jóhann Kanfory sem hefur þá í raun hálft markið opið fyrir framan sig. Jóhann hins vegar getur ekki ákveðið sig, og tekur tvær gabbhreyfingar í röð áður en hann tekur skotið beint í belginn á Vilhelm.

Ótrúlegt klúður, þetta hefði getað komið gestunum aftur inn í leikinn en nú tvíeflast ÍR-ingar.

Leiknismenn eru oft að komast upp að vítateig ÍR-inga en komast aldrei nær en það. ÍR-ingar blokka allar fyrigjafir og komast inn í allar stungusendingar.

Ekki frábær byrjun hjá Guðjóni í Leikni. Núna 'slæsar' hann hreinsunina sína og gefur algjörlega óþarfa hornspyrnu. ÍR-ingar ná hins vegar ekkert að gera með þetta horn.

Flott þríhyrningaspil upp hægri kantinn hjá Leiknismönnum. Birnir fær þá boltann og kemur inn á teiginn. Hann tekur skotið en það er slakt og langt framhjá.

Það var erfitt að sjá á hvern Stefán dómari benti þegar hann gaf gult eftir vítið, og hvort hann gaf báðum liðum eitt stykki. Einnig erfitt að sjá á endursýningum. Þetta leysist allt og kemur inn þegar það kemur í ljós.

Það var allavega Guðjón Pétur sem brýtur af sér í vítinu, klárt víti og ÍR-ingar alveg með smá til síns máls þegar þeir segja að hann reyni ekki við boltann.

Leiðrétting
Ég fór mannavillt með manninn sem braut af sér. Það var Arnór Valur ekki Guðjón Pétur.

ÍR-ingarnir vilja rautt og segja að hann reynir ekki við boltann.

Fín byrjun hjá gestunum. Þeir hafa mest megnis verið í kringum teig ÍR-inga hér í byrjun leiks. ÍR nær hins vegar einni skyndisókn, Orri geysist upp kantinn og nær skoti en í varnarmann og svo beint í lúkurnar á Óla í markinu.

Stefán flautar og við erum farin af stað!

Spennan er ótrúleg hér í Breiðholtinu. Leikmenn ganga til vallar og upphafsflautið kemur eftir smá.

Hér má sjá viðtöl við bæði Bergvin Fannar Helgason leikmann ÍR og Daða Bærings Halldórsson fyrirliða Leiknis.

Ármann Ingi Finnbogason, leikmaður Víkinga, spáir í spilin fyrir umferðina. Allir leikirnir byrja klukkan 14:00.

ÍR 2 - 1 Leiknir R.
Held að þetta verði hörkuleikur. Verður jafnt nánast allan leikinn, en ÍR á eftir að setja sigurmarkið alveg undir lokin, líklega á 90. mínútu.

Stefán Ragnar Guðlaugsson verður með flautuna í þessum risa leik og honum til aðstoðar verða Tryggvi Elías Hermannsson og Ragnar Arelíus Sveinsson. Dómaraeftirlitsmaður verður Gylfi Þór Orrason.

ÍR-ingar eru eitt af þremur liðum sem eru í fallhættu í þessari lokaumferð, en þó það lið sem er með bestu stöðuna af þeim þrem. Þeir sitja í 9. sæti með 25 stig og eru einu stigi fyrir ofan Grindavík, og tveim stigum fyrir ofan Völsung.

Til þess að ÍR falli þarf því bæði Grindavík að vinna Ægi, og Völsungur að vinna Gróttu, og ÍR að tapa þessum leik. ÍR er með betri markatölu en bæði liðin fyrir neðan og því er jafntefli í dag mjög líklegt til þess að vera nóg.

Leiknismenn sigla lignan sjó, hafa engan möguleika á umspilssæti og geta heldur ekki fallið. Því er eina gulrót þeirra í þessum leik að fella erkifjendurna, og það er nú líklegt að það sé nóg til þess að gestirnir verða allavega vel mótiveraðir.

Komið þið sæl og verið velkomin í beina textalýsingu frá leik ÍR gegn Leikni í lokaumferð Lengjudeildarinnar í ár.

Leikurinn hefst klukkan 14:00 og verður spilaður á Þarfaþingsvellinum.

Lengjudeild karla
14:00 Grótta-Völsungur (Vivaldivöllurinn)
14:00 ÍR-Leiknir R. (Þarfaþingsvöllurinn)
14:00 Njarðvík-Afturelding (JBÓ völlurinn)
14:00 Vestri-Þróttur R. (Kerecisvöllurinn)
14:00 Ægir-Grindavík (GeoSalmo völlurinn)
14:00 HK-Fylkir (Kórinn)