Taylor Harwood-Bellis er ekki í Meistaradeildarhópnum hjá Aston Villa þrátt fyrir að hafa verið keyptur á 30 milljónir punda undir lok félagaskiptagluggans.

Enski miðvörðurinn, sem er 24 ára, er ekki sá eini sem kemst ekki í hópinn því þeir Modou Keba Cisse og sóknarmaðurinn ungi, Brian Madjo, sem skoraði gegn PSG í Ofurbikarnum, eru ekki heldur i hópnum hjá Unai Emery.

Þar sem Aston Villa er einungis með tvo uppalda leikmenn í hópnum þá mega einungis 23 vera í hópnum en venjulega má vera með 25 í Meistaradeildarhópnum.

Aston Villa hefur leik í Meistaradeildinni á þriðjudag þegar liðið sækir Club Brugge heim. Ef Aston Villa kemst í útsláttarkeppnina er hægt að gera breytingu á hópnum.

„Þú ert með auka bónus í Meistaradeildinni - það er ekkert annað en spenna. Ég get ekki beðið eftir því að byrja og sýna að ég geti vonandi sýnt að ég eigi heima á stærsta sviðinu. Við höfum séð velgengni félagsins í Evrópu, liðið vann Evrópudeildina og fór langt í Meistaradeildina. Ég veit að liðið getur gert góða hluti í Evrópu líka," sagði Harwood-Bellis þegar hann mætti til Aston Villa.

Nýliðar Hull City fara vel af stað í ensku úrvalsdeildinni og hafa unnið fyrstu tvo leiki sína í ensku úrvalsdeildinni. Liðið fór af stað á flugi með 2-0 sigri gegn Manchester United.

Mikil ánægja er í Hull með stjórann Sergej Jakirovic sem er frá Bosníu og Hersegóvínu. Hann er að gera nýjan þriggja ára samning við félagið.

„Ég skrifa undir mjög bráðlega. Þetta er auðveld ákvörðun," segir Jakirovic.

Undir stjórn Jakirovic vann Hull 1-0 sigur gegn Middlesbrough á Wembley á síðasta tímabili, í úrslitaleiknum í umspilinu, og komst upp í ensku úrvalsdeildina.

Zakirovic er 49 ára og stýrði Dinamo Zagreb meðal annars áður en hann tók við Hull á síðasta ári.

„Ég er hæstánægður með að glugginn sé lokaður, nú getum við einbeitt okkur að okkar vinnu. Það hafa orðið miklar breytingar á liðinu frá síðasta tímabili," sagði Jakirovic á fréttamannafundi í morgun.

Næsta verkefni Hull er að mæta Aston Villa klukkan 16:30 á laugardaginn.