FRÉTTIR31.08.2024, 01:43
Chelsea hefur fengið Jadon Sancho í sínar raðir frá Manchester United. Sancho kemur á láni frá United og fylgir kaupskylda lánssamningnum.
Kaupskyldan er árangurstengd, kaupverðið verður allavega 20 milljónir punda en getur hækkað upp í allt að 25 milljónir punda út frá frammistöðu Chelsea í vetur. Því hærra sem Chelsea endar, því hærra verður kaupverðið. Ef Chelsea endar ekki í einu af efstu 14 sætum deildarinnar, þá þarf félagið ekki að kaupa Sancho.
FRÉTTIR31.08.2024, 01:05
Albanski sóknarmaðurinn Armando Broja er kominn til Everton á lánssamningi út tímabilið.
Broja var á leið til Ipswich fyrr í þessari viku en meiðsli komu í ljós í læknisskoðun.
Það hefur hinsvegar ekki stoppað Everton í að sækja þennan 23 ára leikmann. Hann mun samstundis fara í hendur læknaliðs Everton til að ljúka endurhæfingu sinni.
FRÉTTIR31.08.2024, 00:46
Raheem Sterling hefur verið tilkynntur hjá Arsenal. Hann kemur til félagsins á láni frá Chelsea út tímabilið.
Arsenal er það lið sem talið er líklegast til að veita Manchester City samkeppni um Englandsmeistaratitilinn en margir voru á því að liðið þyrfti að bæta við sóknarleikmanni. Nú er Sterling mættur með alla sína reynslu.
<i>„Þetta er mögnuð tilfinning, ég er fullur tilhlökkunar. Ég tel að þetta passi fullkomlega fyrir mig og ég er ótrúlega ánægður með að þetta hafi tekist,"</i> segir Sterling.
<i>„Það er hungur og samheldni hérna, og ég vil vera með í því."</i>
Sterling er 29 ára og hefur leikið 82 landsleiki fyrir England. Hann var ekki í plönum Enzo Maresca stjóra Chelsea.
FRÉTTIR31.08.2024, 00:40
Reiss Nelson hefur verið lánaður frá Arsenal til Fulham út tímabilið.
Þessi 24 ára vængmaður virtist vera á leið til Ipswich en á endanum fór hann til Fulham.
<i>„Koma hans markar endi á annasömum glugga hjá félaginu og við erum öll spennt fyrir því sem framundan er,"</i> segir Tony Khan yfirmaður fótboltamála hjá Fulham.
Nelson hefur leikið 50 leiki fyrir Arsenal og einnig leikið fyrir öll yngri landslið Englands.
FRÉTTIR30.08.2024, 23:59
<p>Ivan Toney er genginn til liðs við sádí-arabíska félagið Al-Ahli frá Brentford.</p><p>Al-Ahli kaupir enska framherjann fyrir 40 milljónir punda.</p>
FRÉTTIR30.08.2024, 23:56
Bandaríski markvörðurinn Matt Turner er genginn í raðir Crystal Palace á lánssamningi frá Nottingham Forest út tímabilið.
Palace þurfti nýjan markvörð eftir að hafa selt Sam Johnstone til Wolves fyrir tíu milljónir punda fyrr í dag.
Turner kom til Forest frá Arsenal en hefur ekki spilað eins vel og væntingar stóðu til. Hann fer væntanlega í hlutverk varamarkvarðar hjá Palace en Dean Henderson er aðalmarkvörður.
Belginn Matz Sels hefur varið mark Forest í upphafi tímabils.
FRÉTTIR30.08.2024, 23:54
Vængmaðurinn Carlos Forbs er kominn til Wolves á lánssamningi frá Ajax.
Úlfarnir eru með klásúlu um að geta keypt þennan tvítuga leikmann fyrir 13,5 evrur næsta sumar.
Forbs kom til Ajax frá Manchester City á síðasta ári, án þess að hafa leikið leik fyrir City. Hann spilaði 37 leiki í öllum keppnum fyrir Ajax á síðasta tímabili.
FRÉTTIR30.08.2024, 23:26
Það mátti ekki tæpara standa. Rétt fyrir gluggalok náði Southampton að tryggja sér Fílabeinsstrendinginn Maxwel Cornet á lánssamningi frá West Ham.
Þessi 27 ára framherji hefur verið í tvö tímabil hjá West Ham og spilað 37 leiki. Hann var hluti af leikmannahópnum sem vann Sambandsdeildina 2023.
FRÉTTIR30.08.2024, 23:09
<p>Leicester hefur staðfest komu Odsonne Edouard á láni frá Crystal Palace út tímabilið.</p>
FRÉTTIR30.08.2024, 22:57
<p>Liverpool hefur lánað tvo unga leikmenn í Championship deildina.</p>
FRÉTTIR30.08.2024, 22:56
Jay Stansfield er kominn til Birmingham frá Fulham. Þessi 21 árs framherji hefur skrifað undir sjö ára samning við Birmingham.
<i>„Ég er hæstánægður. Ég vildi koma hingað aftur og takast á við næstu áskorun. Ég vildi vera hluti af þessu magnaða félagi og magnaða verkefni,"</i> segir Stansfield.
FRÉTTIR30.08.2024, 22:48
West Ham hefur tryggt sér spænska miðjumanninn Carlos Soler frá Paris St-Germain á lánssamningi út tímabilið.
Þessi 27 ára leikmaður hefur spilað fjórtán landsleiki fyrir Spán en hóf sinn feril með Valencia.
Árið 2022 gekk hann í raðir Paris St-Germain og hefur unnið franska meistaratitilinn tvívegis og bikarinn einu sinni.
FRÉTTIR30.08.2024, 22:27
Það var nóg að gera á skrifstofunni hjá Real Sociedad á gluggadeginum en Orri Steinn Óskarsson var keyptur frá FC Kaupmannahöfn.
Þá er varnarmaðurinn Nayef Aguerd kominn til félagsins frá West Ham, á lánssamningi sem gildir út tímabilið.
FRÉTTIR30.08.2024, 22:21
Nottingham Forest hefur fengið brasilíska varnarmanninn Morato frá Benfica í Portúgal.
Þessi 23 ára miðvörður hefur skrifað undir fimm ára samning á City Ground, til ársins 2029.
FRÉTTIR30.08.2024, 22:15
West Bromwich Albion hefur fengið varnarmanninn Mason Holgate á láni frá Everton út tímabilið.
Þessi 27 ára leikmaður þekkir West Brom vel en hann var hjá félaginu á láni 2019.
FRÉTTIR30.08.2024, 22:12
<p>James Ward-Prowse er genginn til liðs við Nottingham Forest á láni frá West Ham.</p>
FRÉTTIR30.08.2024, 22:09
Spænska félagið Real Betis hefur keypt argentínska miðjumanninn Giovani Lo Celso frá Tottenham.
Kaupverðið er í kringum 3,5 milljónir punda en getur hækkað eftir ákvæðum.
Lo Celso kom til Tottenham fyrir 27,7 milljónir punda árið 2019 frá Paris Saint-Germain eftir að hann hafði leikið vel á lánssamningi hjá Real Betis.
FRÉTTIR30.08.2024, 22:03
Úlfarnir eru búnir að landa brasilíska miðjumanninum Andre frá Fluminense en hann er keyptur á 21 milljón punda.
Þessi 23 ára Brasilíumaður yfirgefi Fluminense eftir 197 leiki fyrir félagið.
Fyrr í þessum glugga virtist hann vera á leið til Fulham en það varð ekkert úr því.
FRÉTTIR30.08.2024, 21:57
<p>Eddie Nketiah er genginn til liðs við Crystal Palace frá Arsenal. </p>
FRÉTTIR30.08.2024, 21:47
<p>Wilfried Zaha er genginn til liðs við Lyon á láni frá Galatasaray.</p>
