Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögnum skilaði 24387 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Nottingham Forest hefur rekið Sean Dyche eftir 114 daga í starfi. Evangelos Marinakis, eigandi félagsins, ákvað að rífa í gikkinn eftir markalaust jafntefli gegn botnliði Wolves í gær. Dyche tók við seint á síðasta ári og byrjaði vel en árangurinn hefur ekki verið frábær að undanförnu. Samkvæmt breska ríkisútvarpinu hefur Marinakis þegar hafið viðræður við Vitor Pereira, fyrrum stjóra Wolves, um að hann taki við.
Víðir Garði hefur bætt við sig þremur leikmönnum fyrir átökin sem eru framundan í 3. deild karla í sumar. Það eru þeir Ísak John Hill, Sebastian Arrocain og Adolf Þór Haraldsson.
Björgvin Brimi Andrésson hefur verið lánaður frá Íslandsmeisturum Víkings til uppeldisfélagsins Gróttu. Björgvin Brimi, sem er fæddur 2008, hjálpaði Gróttu að komast upp úr 2. deild í fyrra og var valinn efnilegasti leikmaður 2. deildar. Hann lék með KR í 3. og 4. flokki en sneri aftur á Nesið á síðasta ári og var lykilmaður í liði Gróttu sem endaði í 2. sæti 2. deildar. Kári Árnason, yfirmaður fótboltamála hjá Víkingi, sagði í hlaðvarpsþættinum <i>ChessAfterDark</I> í síðustu viku að Víkingur væri með möguleikann á því að kalla Björgvin til baka í sumarglugganum.
Thomas Frank hefur verið rekinn sem stjóri Tottenham, eftir aðeins tæplega átta mánuði í starfi. Síðasti leikur Danans var 1-2 tapið gegn Newcastle í gær. Tottenham er í 16. sæti, aðeins fimm stigum frá fallsvæðinu. Liðið er án sigurs í síðustu átta deildarleikjum og hefur aðeins unnið tvo af síðustu sautjan deildarleikjum.
Roberto De Zerbi hefur látið af störfum sem stjóri franska liðsins Marseille en í tilkynningu segir að um sameiginlega ákvörðun hans og félagsins sé að ræða. Marseille fékk 5-0 skell gegn Paris St-Germain í hans síðasta leik en liðið féll úr keppni í Meistaradeildinni nýlega eftir 3-0 tap gegn Club Brugge.
Sænski miðjumaðurinn Chriss-Albin Alexander Mörfelt hefur gengið í raðir Vestra og skrifar undir samning út tímabil. Hann kemur vestur frá Östersund í heimalandinu. Mörfelt lék þrjá leiki með Östersund í sænsku Superettunni á síðustu leiktíð en þar áður var hann á mála hjá Öster sem leikur í Allsvenskan.
Breki Þór Hermannsson hefur skrifað undir nýjan samning við ÍA og er farinn á láni til Vestra út komandi tímabil. Breki er uppalinn á Snæfellsnesi; var hjá Snæfelli og Víkingi Ólafsvík áður en hann kom á Akranes fyrir tímabilið 2020. Breki er sóknarmaður sem getur leyst margar stöður framarlega á vellinum. Hann er fæddur árið 2003 og á síðasta tímabili skoraði hann ellefu mörk í 29 leikjum á láni hjá Grindavík. <i>„Við bindum miklar vonir við að Breki Þór haldi áfram að vaxa sem leikmaður fyrir vestan,"</i> segir í tilkynningu ÍA.
Þjálfarinn reynslumikli Lárus Grétarsson er tekinn við þjálfun Skallagríms í Borgarnesi. Liðið leikur í 5. deild.
Ný-Sjálendingurinn Betsy Doon Hassett hefur ákveðið að leggja skóna á hilluna eftir farsælan feril en þetta staðfestir Stjarnan á samfélagsmiðlum sínum.
Jón Jökull Þráinsson er kominn aftur í Stokkseyri en hann kemur til félagsins frá Ægi.
Varnar- og miðjumaðurinn Jón Óskar Sigurðsson er genginn til liðs við Magna en hann skrifaði undir tveggja ára samning við félagið um helgina.
Sænski markvörðurinn Tea Lundmark er gengin í raðir Tindastóls og mun spila með liðinu í Lengjudeildinni í sumar.
Víkingur Ólafsvík hefur fest kaup á varnarmanninum Daða Kárasyni frá Val. Hann semur við Ólsara út 2027.
Íslenski landsliðsmaðurinn Jóhann Berg Guðmundsson hefur rift samningi sínum við Al Dhafra í Sameinuðu arabísku furstadæmunum, en þetta kemur fram í tilkynningu frá félaginu og Jóhanni á <i>Instagram</i>.
Atli Hrafn Andrason er mættur aftur í HK frá KR en hann semur við félagið út 2027.
Edward Still hefur verið ráðinn nýr stjóri Watford í ensku Championship-deildinni og skrifaði undir samning til tveggja og hálfs árs. Hann tekur við af Javi Gracia sem sagði upp eftir að hafa verið aðeins þrjá mánuði með stjórnartaumana.
Haukar tilkynntu í gær að Jón Gísli Stefánsson væri búinn að skrifa undir samning við félagið sem gildir til næstu þriggja ára. Hann kemur til Hauka frá Kormáki/Hvöt. Kantmaðurinn er uppalinn hjá Kormáki, fæddur árið 2004 og hefur einnig spilað með Tindastóli á sínum ferli. Hann fór árið 2022 á reynslu til sænska félagsins Örgryte.
Henríetta Ágústsdóttir hefur skrifað undir samning við HK sem gildir til ársins 2028. Henríetta, sem uppalin er hjá HK, er mætt aftur til félagsins frá Stjörnunni þar sem hún hefur verið síðustu tvö tímabil. Hún er tvítugur miðjumaður sem lék á láni hjá Þór/KA á síðasta tímabili. Hún skoraði tvö mörk í ellefu leikjum með liðinu. Henríetta á að baki tólf leiki fyrir yngri landsliðin og hefur skorað í þeim eitt mark.
Vestri tilkynnti í gær um komu Florencia Barraza til félagsins en hún er reynslumikill argentínskur varnarmaður. Hún á að baki feril í heimalandinu, Kosta Ríka, á Spáni og Ítalíu. Hún er 31 árs og bætist við hópinn hjá Vestra, en félagið hefur verið duglegt að sækja liðsstyrk í liðið sem er í 2. deild.
Njarðvík hefur samið við framherjann reynslumikla Guðmund Magnússon en hann gerir samning út þetta ár.