Watford hefur ráðið bróður Will Still (Staðfest)

Still er 35 ára og var aðstoðarþjálfari Anderlecht en hann er eldri bróðir Will Still sem stýrði Southampton.

„Ég er í skýjunum með að vera kominn í þetta félag sem á stórt pláss í enskum fótbolta og á magnaða sögu," segir Edward Still sem býr yfir reynslu sem stjóri hjá Charleroi, Eupen og Kortrijk í Belgíu.

Hann er fjórtándi stjóri Watford síðan í september 2019 en þá eru bráðabirgðastjórar ekki taldir með.

Charlie Daniels, sem stýrði Watford í síðustu tveimur leikjum, verður áfram í þjálfarateyminu og þá mun Karim Belhohicine einnig koma inn og aðstoða Still.

Watford er í ellefta sæti Championship-deildarinnar en aðeins þremur stigum frá umspilssæti.