Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögnum skilaði 24387 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
ÍA tilkynnti rétt í þessu að Böðvar Böðvarsson væri búinn að gera tveggja ára samning við ÍA. Hann kemur til félagsins frá uppeldisfélaginu, FH. Fótbolti.net sagði frá því á mánudag að Böðvar væri á leið í ÍA. Böðvar er þrítugur vinstri bakvörður sem á að baki fimm A-landsleiki, lék erlendis sem atvinnumaður í Danmörku, Póllandi og Svíþjóð og varð Íslandsmeistari með FH tímabilin 2015 og 2016.
Halldór Jón Sigurður Þórðarson og Hilmar Þór Kjærnested Helgason verða ekki með Fylki á komandi tímabili. Þetta hefur Fótbolti.net fengið staðfest. Samningur Halldórs Jóns við Fylki rann út eftir síðasta tímabil og er ljóst að hann verður ekki áfram í Árbænum. Meiðsli settu strik í reikninginn síðasta sumar en hann náði einungis að spila sjö Lengjudeildarleiki og skoraði tvö mörk í þeim leikjum. Halldór Jón er fjölhæfur leikmaður, hefur spilað í bakverði, á kantinum og sem fremsti maður á sínum ferli. Hann er uppalinn hjá Fram og hefur einnig leikið með Hetti, Aftureldingu, Víkingi, ÍR, Gróttu og ÍBV á sínum ferli. Hann er fæddur árið 1996 og varð Íslands- og bikarmeistari með liði Víkings 2021.
Danski miðjumaðurinn Jonas Gemmer er genginn í raðir FC Helsingör í Danmörku. Hann var fenginn til ÍA síðasta sumar en spilaði einungis þrjá leiki fyrir félagið. Gemmer er þrítugur og á að baki rúmlega 110 leiki í dönsku úrvalsdeildinni. Á sínum tíma lék hann 28 leiki fyrir yngri landslið Danmerkur. Hann náði ekki að sýna sitt rétta andlit með ÍA og yfirgf félagið áður en tímabilið kláraðist.
William Tönning hefur yfirgefið KA eftir misheppnaða dvöl en hann hefur skrifað undir samning hjá Östersund í Svíþjóð. Östersund er í næst efstu deild en liðið var í harðri fallbaráttu á síðustu leiktíð. Tönning kemur inn í hópinn fyrir leiki í sænska bikarnum sem hefst 21. febrúar gegn Kolbeini Þórðarsyni og félögum í Gautaborg.
Franski miðjumaðurinn N'Golo Kante er loksins genginn til liðs við Fenerbahce frá Al-Ittihad en tyrkneska félagið greindi frá þessu í nótt. Félagaskiptin virtust ekki ætla ganga í gegn þar sem pappírar frá Al-Ittihad skiluðu sér ekki á réttum tíma fyrir lok félagaskiptagluggans.
Bóas Heimisson hefur skrifað undir samning við Reyni Sandgerði en hann kemur til félagsins frá KFG. Hann er fæddur árið 2004 en hann er uppalinn hjá Haukum og lék í 2. flokki Vals áður en hann fór til KFK og hóf meistaraflokksferilinn. Hann fór frá KFK í KFG fyrir síðasta tímabil.
Afturelding hefur kynnt þrjá nýja leikmenn fyrir áttökin í 2. deild næsta sumar. Þær Magðalena Ólafsdóttir (2000) og Karen Dæja Guðbjartsdóttir (2005) eru komnar aftur eftir stutt stopp hjá Smára. Karen hóf meistaraflokksferilinn hjá Aftureldingu en hún kom við sögu í einum leik hjá Smára í fyrra en er komin aftur í Mosfellsbæinn.
Nökkvi Þeyr Þórisson hefur skrifað undir lánssamning hjá hollenska liðinu Telstar út tímabilið. Hann kemur frá Sparta Rotterdam. Telstar er á botninum í efstu deild, tveimur stigum frá öruggu sæti, en Sparta er í 5. sæti í sömu deild og í mikill Evrópubaráttu.
Helena Ósk Hálfdánardóttir hefur skrifað undir tveggja ára samning við Víking. Hún gengur til liðs við félagið frá Val. Helena er fædd árið 2001 og er uppalin í FH. Hún hefur einnig leikið með Fylki og Breiðabliki ásamt Val. Hún hefur spilað 197 leiki og skorað 39 mörk. Þá á hún 23 landsleiki að baki fyrir yngri landslið Íslands og skorað fjögur mörk.
Jakob Gunnar Sigurðsson hefur gengið varanlega til liðs við danska félagið Lyngby og skrifað undir fjögurra ára samning. Jakob er keyptur til Lyngby frá KR, en hann hefur leikið á láni með danska félaginu frá síðasta sumri. Hann hefur gert góða hluti með U19 ára liði Lyngby og skorað þar reglulega. Nýverið skoraði hann jafnframt sitt fyrsta mark fyrir aðallið félagsins í æfingaleik. Jakob er 18 ára framherji sem er uppalinn hjá Völsungi og KR keypti sumarið 2024. Hann kláraði tímabilið 2024 hjá Völsungi, hjálpaði liðinu að komast upp úr 2. deild og varð markahæsti leikmaður deildarinnar. Hann lék svo á láni hjá Þrótti fyrri hluta síðasta sumars áður en hann hélt út til Danmerkur.
Oscar Hiljemark hefur verið ráðinn nýr þjálfari Pisa. Sænski stjórinn tekur við starfinu eftir að ítalska félagið lét Alberto Gilardino fara á sunnudaginn. Hiljemark kemur til Pisa frá Elfsborg, en hann hafði stýrt sænska félaginu í um eitt og hálft ár. Þar stýrði hann Júlíus Magnússyni og Ara Sigurpálssyni.
Matthias Præst, fyrrum leikmaður KR og Fylkis, hefur snúið aftur til heimalandsins og er genginn til liðs við Middlefart. Middlefart situr í botnsæti næst efstu deildar í Danmörku. Præst hefur áður leikið með liðinu en hann var á mála hjá félaginu frá 2020 til ársins 2022. Præst lék 25 leiki með KR á síðasta tímabili í Bestu deildinni, en tímabilið áður lék hann 27 leiki með fallliði Fylkis. Hann yfirgaf KR í haust þrátt fyrir að eiga tvö ár eftir af samningi. Í viðtali við Fótbolta.net í haust sagði Præst heimþrá vera ástæðuna fyrir starfslokunum.
Varnarmaðurinn Andrias Edmundsson skrifaði nafn sitt í sögubækurnar í gær er hann gekk í raðir Hellas Verona á Ítalíu, en hann verður fyrsti Færeyingurinn til að spila í Seríu A.
Danski miðvörðurinn Gustav Kjeldsen er genginn í raðir Stjörnunnar og gerir tveggja ára samning við félagið. Hann er mættur í Garðabæinn eftir þrjú tímabil hjá Vestra þar sem hann var lykilmaður.
Varnarmaðurinn Benjamin Arthur klárar tímabilið með Skotlandsmeisturum Celtic en hann kemur á láni frá enska úrvalsdeildarfélaginu Brentford.
Chris Wilder og félagar í Sheffield United hafa fengið norska varnarmanninn Leo Hjelde á láni frá Sunderland út þessa leiktíð.
Louis Thomas Buffon, sonur ítölsku goðsagnarinnar Gianluigi Buffon, hefur verið lánaður frá A-deildarliðinu Pisa til Pontedera í C-deildinni á Ítalíu.
West Ham tókst að krækja í franska miðvörðinn Axel Disasi á elleftu stundu félagaskiptagluggans, en félagið tilkynnti komu hans á samfélagsmiðlum seint í kvöld.
Englandsmeistarar Liverpool staðfestu kaupin á franska miðverðinum Jeremy Jacquet frá Rennes í kvöld, en hann mun ekki ganga formlega í raðir félagsins fyrr en í sumar.
Karim Benzema, fyrrum handhafi Ballon d´Or verðlaunanna, hefur fært sig um set í Sádi-Arabíu en hann er kominn til toppliðs Al Hilal frá Al Ittihad.