FRÉTTIR27.10.2025, 12:26
Víðir Garði, sem féll úr 2. deild í sumar, tilkynnti um helgina að þeir Dani Benéitez og Sólmundur Einvarðsson verði áfram þjálfarar liðsins.
Dani, sem var leikmaður liðsins, tók við stjórnartaumunum til bráðabirgða eftir að Sveinn Þór Steingrímsson var látinn fara í sumar.
Dani hefur nú fengið áframhaldandi ráðningu, skrifar undir eins árs samning, og mun leggja skóna á hilluna, í bili hið minnsta. Hann er 27 ára og lék sem miðjumaður, hann kom til Víðis fyrir tímabilið 2023 og varð Fótbolti.net meistari með liðinu og fór upp úr 3. deildinni með liðinu 2024.
Sveinn, sem tók við liðinu fyrir tímabilið 2023, var rekinn 30. júní þegar liðið var í 11. sæti deildarinnar með átta stig eftir tíu leiki. Liðið tók tólf stig úr síðustu tólf leikjunum en það dugði ekki til að halda sætinu í deildinni.
FRÉTTIR27.10.2025, 12:02
Juventus er búið að reka Igor Tudor úr starfi en hann tók við liðinu í mars þegar Thiago Motta var látinn fara. Tudor var áður stjóri Lazio og Mareseille.
Juve er án sigurs í átta leikjum í öllum keppnum og liðið hefur ekki skorað í síðustu fjórum leikjum. Juve er í áttunda sæti deildarinnar eftir átta leiki.
FRÉTTIR26.10.2025, 08:00
Jón Þór Hauksson stýrði Vestra í síðasta sinn í gær þegar liðið steinlá gegn KR sem varð til þess að liðið féll niður í Lengjudeildina.
Vestri varð Mjólkurbikarmeistari í sumar en gengi liðsins var slæmt eftir úrslitaleikinn og Davíð Smári var látinn fara og Jón Þór tók við í lok síðasta mánaðar.
FRÉTTIR25.10.2025, 17:08
Knattspyrnudeild Stjörnunnar hefur tilkynnt að Jóhannes Karl Sigursteinsson og Arnar Páll Garðarsson munu ekki halda áfram með kvennalið félagsins.
FRÉTTIR24.10.2025, 16:49
Rafael Benítez, fyrrum stjóri Liverpool og Real Madrid, hefur verið ráðinn stjóri Panathinaikos á Grikklandi og er launahæsti stjóri í sögu gríska boltans.
Hann gerði tveggja ára samning að verðmæti 8 milljónum evra en með liðinu spilar íslenski landsliðsmiðvörðurinn Sverrir Ingi Ingason.
FRÉTTIR24.10.2025, 14:09
Lárus Orri Sigurðsson hefur gert nýjan tveggja ára samning við ÍA og um að vera aðalþjálfari liðsins til loka keppnistímabilsins 2027.
Lárus tók við ÍA í erfiðri stöðu í sumar en liðið fór á ótrúlegt skrið og er búið að tryggja áframhaldandi veru í Bestu deildinni þegar lokaumferðin er eftir.
Hér að neðan má sjá tilkynningu ÍA:
FRÉTTIR23.10.2025, 11:24
Danski miðjumaðurinn Jonas Gemmer hefur yfirgefið ÍA.
Hann óskaði eftir því við ÍA að fá að yfirgefa félagið eftir þetta tímabil af persónulegum ástæðum og félagið hefur orðið við þeirri ósk.
Gemmer gekk í raðir ÍA í sumarglugganum og kom við sögu í þremur leikjum í júlí og ágúst en hefur ekki verið í hópnum í síðustu sex leikjum.
FRÉTTIR22.10.2025, 18:53
Aðalsteinn Jóhann Friðriksson er nýr þjálfari Þórs/KA í Bestu deildinni en frá þessu er greint á vef félagsins í dag. Hann skrifaði undir samning til þriggja ára.
FRÉTTIR21.10.2025, 23:39
Völsungur tilkynnti rétt í þessu að Aðalsteinn Jóhann Friðriksson væri hættur með liðið og róar á önnur mið.
Aðalsteinn eða Alli eins og hann er yfirleitt kallaður, þjálfaði lengi hjá Völsungi. Hann var lengi vel þjálfari hjá yngri flokkum félagsins. Árið 2020 tók hann við kvennaliði félagsins, liðið var þá í 1. deild en hefur verið í 2. deild síðan. Í fjórum af þessum fimm á tímabilinum hefur liðið verið aðeins einu sæti frá því að komast upp afturr.
FRÉTTIR21.10.2025, 19:44
Jakob Byström, framherji Fram, hefur skrifað undir nýjan samning við Fram. Samningurinn er í gildi út árið 2027.
Byström gekk til liðs við Fram frá Svíþjóð snemma á þessu ári. Hann hefur spilað 21 leik og skorað sjö mörk, þar af sex í Bestu deildinnii.
FRÉTTIR21.10.2025, 14:48
Svava Rós Guðmundsdóttir birti í dag myndband á <i>Instagram</I> og skrifaði við það <i>Takk fyrir mig Fótbolti</I>.
Fótboltaskórnir eru komnir upp í hillu hjá þessum öfluga sóknarmanni sem verður þrítug í næsta mánuði.
Hún var síðast á mála hjá bandaríska félaginu Gotham. Hún hefur ekkert spilað síðustu tvö árin, glímdi við meiðsli á mjöðm, fór í aðgerð sumarið 2024 og eignaðist svo í ár sitt fyrsta barn.
FRÉTTIR21.10.2025, 08:15
Sean Dyche, fyrrum stjóri Burnley og Everton, er formlega orðinn nýr stjóri Nottingham Forest en hann skrifaði undir samning til 2027.
Dyche er þriðji stjórinn hjá Forest á þessu tímabili en hann tekur við af Ange Postecoglou sem entist í 39 daga og var rekinn 17 mínútum eftir 3-0 tap gegn Chelsea síðasta laugardag.
Nuno Espirito Santo var rekinn eftir þrjá leiki á tímabilinu og Postecoglou ráðinn en hann náði ekki að vinna neinn af þeim átta leikjum sem hann stýrði.
FRÉTTIR21.10.2025, 06:00
Nick Pope markvörður Newcastle United hefur staðfest að félagið sé búið að virkja eins árs framlengingu á samningi hans.
FRÉTTIR20.10.2025, 16:00
Stjóraleit skoska stórliðsins Rangees er lokið en Danny Röhl, fyrrum stjóri Sheffield Wednesday, hefur verið ráðinn. Röhl er 36 ára og var í þjálfarateymi Bayern München og þýska landsliðsins.
Rangers er í sjötta sæti skosku úrvalsdeildarinnar og mætir Frey Alexanderssyni og lærisveinum í Brann í Evrópudeildinni á fimmtudag. Russell Martin var rekinn þann 5. otóber eftir aðeins 17 leiki með stjórnartaumana.
FRÉTTIR20.10.2025, 14:05
Breiðablik tilkynnti rétt í þessu þau tíðindi, sem Fótbolti.net sagði frá fyrr í dag, að félagið væri búið að ganga frá starfslokum við Halldór Árnason. Hann var þjálfari meistaraflokks karla hjá félaginu, var á sínu öðru tímabili með liðið. Hann kom fyrst til félagsins árið 2019 og var fyrstu árin aðstoðarþjálfari Óskars Hrafns Þorvaldssonar.
Á síðasta tímabili gerði hann Breiðablik að Íslandsmeisturum. <i>„Á þessum sex árum hefur Halldór verið risastór hluti af velgengni og uppgangi félagsins. Undir hans stjórn varð félagið Íslandsmeistari 2024 og tryggði sér þátttöku í Sambandsdeild Evrópu 2025,"</I> segir í tilkynningunni.
Þar segir einnig að Ólafur Ingi Skúlason hafi verið ráðinn þjálfari liðsins. Ólafur Ingi er fyrrum atvinnu- og landsliðsmaður sem þjálfaði U21 ára landsliðið í eitt og hálft ár og var þar á undan með U19. Ekki er greint frá því hversu langur samningur Ólafs er. Fyrsti leikur Ólafs sem þjálfari Breiðabliks verður líklega gegn finnska liðinu KuPS á fimmtudag í Sambandsdeildinni.
FRÉTTIR20.10.2025, 09:15
Graham Potter hefur verið kynntur sem nýr landsliðsþjálfari Svíþjóðar. Hann skrifaði undir stuttan samning og mun reyna að rétta liðið við og vonast eftir því að komast á HM 2026.
Svíþjóð á ekki lengur möguleika á að vinna sinn riðil í undankeppninni en gæti samt komist á HM þrátt fyrir að ná ekki öðru sætinu. Svíþjóð gæti komist í umspil vegna árangurs síns í Þjóðadeildinni þar sem liðið vann sinn riðil.
FRÉTTIR19.10.2025, 12:09
Sonja Björg Sigurðardóttir er gengin í raðir Vals frá Þór/KA en þetta kemur fram í tilkynningu frá Val í dag.
FRÉTTIR18.10.2025, 13:49
Ásralski stjórinn Ange Postecoglou var rétt í þessu rekinn frá Nottingham Forest eftir aðeins átta leiki í starfi. Þetta kemur fram í tilkynningu frá enska úrvalsdeildarfélaginu í dag.
FRÉTTIR17.10.2025, 22:30
Ítalski sóknarmaðurinn Fabio Borini er búinn að skrifa undir skammtímasamning við Salford City sem leikur í League Two deildinni á Englandi.
FRÉTTIR17.10.2025, 16:00
Þór/KA greindi frá því í dag að þrír leikmenn yrðu ekki áfram hjá félaginu.
Báðir erlendu leikmenn liðsins, Ellie Moreno og Jessica Berlin, verða ekki áfram hjá félaginu. Jessica er markvörður sem stóð vaktina í sumar og Ellie er sóknarsinnaður leikmaður sem skoraði eitt mark á tímabilinu.
Þá snýr Henríetta Ágústsdóttir, lánsmaður Stjörnunnar, aftur í Garðabæinn.
