Dyche þriðji stjóri Forest á tímabilinu (Staðfest)

Sean Dyche, fyrrum stjóri Burnley og Everton, er formlega orðinn nýr stjóri Nottingham Forest en hann skrifaði undir samning til 2027.

Dyche er þriðji stjórinn hjá Forest á þessu tímabili en hann tekur við af Ange Postecoglou sem entist í 39 daga og var rekinn 17 mínútum eftir 3-0 tap gegn Chelsea síðasta laugardag.

Nuno Espirito Santo var rekinn eftir þrjá leiki á tímabilinu og Postecoglou ráðinn en hann náði ekki að vinna neinn af þeim átta leikjum sem hann stýrði.