Fjórtándu umferð lýkur 37 dögum eftir að hún hófst

Þrír leikir eru í Pepsi Max-deild karla í kvöld en með þeim lýkur umferð sem skráist sem 14. umferð deildarinnar. Leikjadagskrá deildarinnar hefur verið á miklu flakki vegna Covid-19 faraldursins.

Þessi 14. umferð hófst fyrir 37 dögum, þegar Fylkir vann 2-0 sigur gegn Fjölni þann 25. ágúst. Daginn eftir rúllaði HK 3-0 yfir Gróttu.

Þann 17. september vann Valur svo 4-2 útisigur gegn ÍA þar sem Patrick Pedersen skoraði tvívegis.

Hér má sjá leiki kvöldsins í Pepsi Max-deildinni en þeir verða að sjálfsögðu allir í beinum textalýsingum hér á Fótbolta.net.