Brentford vann Liverpool 3-1 í ensku úrvaldsdeildinni í gær en Bryan Mbeumo skoraði síðasta markið eftir að hafa farið ansi illa með Ibrahima Konate.
Það hefur vakið mikla athygli á samfélagsmiðlum eftir leikinn að Mbeumo fagnaði eins og körfuboltamaðurinn LeBron James er þekktur fyrir að gera en LeBron á hlut í Liverpool.
Eigendur Liverpool hafa greint frá áhuga á að selja félagið svo spurning hvort LeBron verði hluti af Liverpool fjölskyldunni eitthvað mikið lengur.
Það hefur ekki gengið sem skyldi hjá Liverpool á þessari leiktíð og er talið að félagið sé til sölu til að aðilar geti keypt það sem gætu hjálpað betur til á leikmannamarkaðnum.
Athugasemdir