Írski markvörðurinn Sam Blair er genginn til liðs við sænska félagið Ytterhogdals frá KR á láni. Sænska félagið leikur í D-deildinni þar í landi.
Blair gekk til liðs við KR í vetur en þessi 21 árs gamli markvörður var áður í unglingaliðum Norwich.
Hann kom aðeins við sögu í einum leik í sumar en það var í 9-2 sigri liðsins gegn KÁ í 32-liða úrslitum Mjólkurbikarsins.
Hann var sterklega orðaður við HamKam, áður en hann gekk til liðs við KR, sem leikur í efstu deild í Noregi en Brynjar Ingi Bjarnason og Viðar Ari Jónsson leika með liðinu.
Athugasemdir
