England í dag - Mourinho mætir aftur á Old Trafford

Það verða sex leikir spilaðir í dag og verður hægt að horfa á þá alla í beinni útsendingu.

„Nú gæti landslagið mögulega verið að breytast. Allavega er Amazon Prime eitthvað að prófa sig áfram með enska og keypti tvær umferðir í miðri viku. Sú fyrri er núna í vikunni og svo aftur á annan í jólum. Þar sem Prime Video streymir út um allan heim var ekki hægt að takmarka sýningarrétt annarra rétthafa og því vorum við ekki lengi að grípa það tækifæri og sýna alla leikina núna og aftur 26. des," sagði Tómas Þór Þórðarson, ritstjóri enska boltans á Símanum, við Fótbolta.net.

Það eru tveir stórleikir í kvöld. Jose Mourinho fer aftur á Old Trafford, hann mætir sínu gamla félagi með sínu nýja félagi. Viðureign Manchester United og Tottenham verður mjög áhugaverð.

Svo er grannaslagur í Liverpool er topplið ensku úrvalsdeildarinnar, Liverpool, tekur á móti Everton, sem hefur verið í vandræðum á þessu tímabili.

Tómas verður á Anfield ásamt aðstoðarlandsliðsþjálfaranum Frey Alexanderssyni.

„Þó Gylfi sé ekki beint á heimavelli verður afskaplega spennandi að sjá hann í þessum risastóra borgarslag og gera allt upp á grasinu á Anfield,“ sagði Tómas Þór.

miðvikudagur 4. desember
19:30 Leicester - Watford (Síminn Sport 4)
19:30 Wolves - West Ham (mbl.is)
19:30 Southampton - Norwich (mbl.is)
19:30 Chelsea - Aston Villa (Síminn Sport 3)
19:30 Man Utd - Tottenham (Síminn Sport 2)
20:15 Liverpool - Everton (Síminn Sport)