Fullt nafn: Friðrik Þórir Hjaltason

Gælunafn: Frikki, Frilli, Frikki Dór

Aldur: 23 ára

Hjúskaparstaða: Í sambandi

Hvenær lékstu þinn fyrsta leik með meistaraflokki: Fyrsti mótsleikur var á móti Berserkjum í bikarnum 2014

Uppáhalds drykkur: Pax

Uppáhalds matsölustaður: Vefjan á Local er góð

Hvernig bíl áttu: VW Golf

Uppáhalds sjónvarpsþáttur: Chernobyl og GoT geggjaðir. The Office hinsvegar besta grínið

Uppáhalds tónlistarmaður: Fer eiginlega bara eftir skapi en Kanye er alltaf góður.

Uppáhalds hlaðvarp: Steve Dagskrá og Tvíhöfði

Fyndnasti Íslendingurinn: Sveppi

Hvað viltu í bragðarefinn þinn: Jarðarber, tromp og síðan bara eitthvað

Hvernig hljómar síðasta sms sem þú fékkst: Heimild veitt an korts, kr. 1607; had gengi; Spotify blabla

Hvaða liði myndir þú aldrei spila með: Aldrei segja aldrei og allt það en Sindri yrði vesen vegna fjarlægðar

Besti leikmaður sem þú hefur mætt: Nigel Quashie var asnalega góður á æfingum

Besti þjálfarinn sem hefur þjálfað þig: Nonni kenndi manni helvíti margt í yngri flokkunum og Nigel líka þegar hann kom. Bjarni Jó tekur þetta samt.

Mest óþolandi leikmaður sem þú hefur mætt: Gilles Mbang Ondo er gæji sem þú ert ekki mikið að ýta til. Síðan er það mjög vont ef hann stígur á mann.

Sætasti sigurinn: Winner á 90. frá Pétri Bjarna í mikilvægum leik í toppbaráttunni á móti Víði í 2. deildinni 2019 var gott móment

Mestu vonbrigðin: Að vinna ekki deildina það árið

Uppáhalds lið í enska: Chelsea

Ef þú fengir að velja einn leikmann úr öðru íslensku liði í þitt lið: Ætli ég tæki ekki bara Patrick Pedersen eða Steven Lennon. Sammi ætti að geta reddað þeim einhverri vinnu með þessu.

Efnilegasti knattspyrnumaður/kona landsins: Þórður Gunnar frændi

Fallegasti knattspyrnumaðurinn á Íslandi: Nikulás Jónsson

Fallegasta knattspyrnukonan á Íslandi: Dagmar Pálsdóttir

Besti knattspyrnumaðurinn frá upphafi: Messi geitin

Hver er mesti höstlerinn í liðinu: Viktor Júlíusson var öflugur hér áður fyrr

Uppáhalds staður á Íslandi: Ísafjörður

Segðu okkur frá skemmtilegu atviki sem gerst hefur í leik:

Ertu með einhverja hjátrú tengda fótbolta: Nei

Fyrir utan knattspyrnu, fylgist þú með öðrum íþróttum: Er stemningsmaður og fylgist því með NBA þegar það eru Finals, handboltalandsliðinu á stórmótum, og pílunni í des-jan.

Í hvernig fótboltaskóm spilar þú: Nike Phantom GT

Í hverju varstu/ertu lélegastur í skóla: Skrift og sund

Vandræðalegasta augnablik: Ekkert eitt sérstakt sem kemur í hugann en að heilsa einhverjum sem er síðan ekki að heilsa þér er vont

Hvaða þrjá leikmenn tækir þú með þér á eyðieyju: Elmar Atla Garðarsson til að veiða í matinn, Pétur Bjarnason verðandi byggingarfræðing til að græja húsnæði og svo Hákon Inga Einarsson til að geta rifist við.

Sturluð staðreynd um sjálfan þig: Varð tvöfaldur Andrésarmeistari á skíðum í átta ára flokki á sínum tíma

Hvaða samherji hefur komið þér mest á óvart eftir að þú kynntist honum og af hverju: Það kom mér á óvart hvað Gunnar Jónas Hauksson gat verið snöggur upp í skapinu á æfingum ásamt því að vera snöggur niður.

Hverju laugstu síðast: Sagði við vin minn að ég væri lagður af stað þegar ég var það alls ekki

Hvað er leiðinlegast að gera á æfingum: Hita upp án bolta

Ef þú fengir eina spurningu til að spyrja hvern sem er: Hver yrði spurningin og hvern myndiru spyrja: Ertu búinn að hreinsa undan skónum? Á John Terry í úrslitaleik Meistaradeildarinnar 2008