Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 08. maí 2021 12:00
Aksentije Milisic
„Stubbur að standa sig eins og hetja"
Mynd: Fótbolti.net - Hafliði Breiðfjörð
KA gerði góða ferð í Vesturbæinn í gær og vann KR með þremur mörkum gegn einu.

KA spilaði vel í leiknum og var sigurinn sanngjarn. Hallgrímur Mar Steingrímsson gerði tvennu í leiknum og varnarmaðurinn stæðilegi Brynjar Ingi Bjarnason gerði eitt.

Steinþór Már Auðunsson hefur varið mark KA í fyrstu tveimur leikjum liðsins í Pepsi Max deildinni á þessu tímabili og staðið sig með prýði.

Hann hefur fengið tækifæri í markinu eftir að Kristijan Jajalo meiddist rétt fyrir mót. KA sótti Vladan Djogatovic í gær frá Grindavík á láni. Honum er ætlað að veita Steinþóri samkeppni um markmannsstöðuna.

„KR var auðvitað mun meira með boltann í seinni hálfleik og áttu fullt af fyrirgjöfum. En ég er mjög ánægður með Stubb. Hann er að standa sig eins og hetja,“ sagði Arnar Grétarsson, þjálfari KA, í viðtali við Vísi í gær.

KA fékk nokkur góð færi í gær og gat skorað fleiri mörk. Hallgrímur Mar klúðraði dauðafæri, rétt áður en hann kláraði svo leikinn fyrir KA.

„Svo fengum við algjört dauðafæri þegar Hallgrímur tók hann með hælnum. Ég veit ekki alveg hvað hann var að gera. En sem betur fer kláraði hann fyrir okkur á skemmtilegan hátt. Það gerði hlutina léttara síðustu mínúturnar," sagði Arnar.
Addi Grétars: Ef ég myndi ráða myndi ég vilja spila á Dalvík
Athugasemdir
banner
banner
banner
banner