Lið vikunnar í enska - Þrír frá Man City
James Milner í leiknum í gær.
Mynd: Getty Images
James Milner í leiknum í gær.
Mynd: Getty Images
Það er áhugaverð umferð að baki í ensku úrvalsdeildinni þar sem mikilvægir fallslagir voru á dagskránni. Einnig var stórslagur milli Manchester United og Manchester City í gærkvöldi.
Garth Crooks, sérfræðingur BBC, sér um valið að þessu sinni en nokkuð er síðan við leituðum til hans.
Garth Crooks, sérfræðingur BBC, sér um valið að þessu sinni en nokkuð er síðan við leituðum til hans.
![](\"http://skjol.fotbolti.net/enski0904.gif\")
Markvörður: Jussi Jaaskelainen (West Ham)
Það er ekki oft sem West Ham fer til Liverpool og kemur ekki tómhent til baka. Finnski markvörðurinn á stóarn þátt í að liðið fékk stig.
Varnarmaður; Matthew Lowton (Aston Villa)
Þvílíkt mark sem hann skoraði gegn Stoke!
Varnarmaður: Vincent Kompany (Man City)
Mikilvægi hans fyrir Manchester City er óumdeilt. Var frábær gegn United.
Varnarmaður: James Collins (West Ham)
Var mjög flottur gegn Luis Suarez og Daniel Sturridge.
Varnarmaður: Pablo Zabaleta (Man City)
Hefur átt frábært tímabil og var traustur sem klettur í gær.
Miðjumaður: Kevin Mirallas (Everton)
Nýtti sér óöruggi varnar Tottenham til að skora magnað mark eftir einstaklingsframtak.
Miðjumaður: Tomas Rosicky (Arsenal)
Það hefur ekki heyrst mikið frá Rosicky á þessu tímabili en hann hefur verið frábær í síðustu tveimur leikjum.
Miðjumaður: James Milner (Man City)
Besti leikur Milner í langan tíma. Gareth Barry átti einnig mjög góðan leik en rétt missir af sæti í liðinu.
Sóknarmaður: Gabriel Agbonlahor (Aston Villa)
Sífellt ógnandi í 3-1 sigri gegn Stoke.
Sóknarmaður: Papiss Cisse (Newcastle)
Upphaflega átti Emmanuel Adebayor að fá sæti í sókninni en Senegalinn Papiss Cisse sló hann út.
Sóknarmaður: Jay Rodriguez (Southampton)
Hefur skorað þrjú mörk og lagt tvö upp í síðustu þremur úrvalsdeildarleikjum.
Sjá einnig:
Fyrri úrvalslið í enska
