Rosenior tekinn við Paris FC (Staðfest)

Enski stjórinn Liam Rosenior er tekinn við sem nýr stjóri Paris FC. Hann skrifar undir tveggja ára samning við félagið.

Rosenior var rekinn frá Chelsea í apríl eftir aðeins þrjá mánuði í starfi. Áður en hann tók við Lundúnaliðinu stýrði hann Strasbourg í Frakklandi við góðan árangur.

Paris endaði í 11. sæti á síðasta tímabili sem nýliðar í deildinni. Tímabilið byrjaði illa og réðist félagið í stjóraskipti í febrúar.

Antoine Kombouare tók við liðinu og náði að snúa slæmu gengi við. Hann skrifaði undir samning út næsta tímabil en þrátt fyrir góðan árangur var ákveðið að ráðast aftur í þjálfarabreytingar.