Tottenham rúllaði yfir utandeildarlið Marine í enska bikarnum í dag þar sem Carlos Vinicius skoraði þrennu í fyrri hálfleik.

Gæðamunur liðanna var augljós og var sigur Tottenham aldrei í hættu.

Lucas Moura komst einnig á blað ásamt hinum 16 ára gamla Alfie Devine, sem varð þar með yngsti leikmaðurinn til að spila keppnisleik með Tottenham og um leið sá yngsti til að skora fyrir félagið.

Lokatölur urðu 0-5 og fer Tottenham auðveldlega áfram í næstu umferð bikarsins.