Það var nóg um að vera í undanmótinu fyrir Afríkukeppnina í gær þar sem fimmtán leikir voru spilaðir til að koma þriðju umferð riðlakeppninnar af stað.
Yves Bissouma, miðjumaður Tottenham, skoraði eina mark Malí í sigri á útivelli gegn Esvatíní á meðan Mohamed Salah gerði eitt af fjórum mörkum Egyptalands í sigri í Botsvana.
Pierre-Emerick Aubameyang skoraði þá í sigri Gabon gegn Mið-Afríkulýðveldinu en stjörnum prýddum landsliðum Nígeríu og Kamerún tókst ekki að skora í sínum leikjum.
Bæði gerðu þau markalaust jafntefli í dag, Nígería gegn Rúanda og Kamerún gegn Simbabve.
Malí er með fjögur stig eftir sigurinn og deilir toppsætinu í I-riðli með Mósambík.
Egyptaland er í þægilegum riðli með sex stig eftir fyrstu umferðirnar tvær, en þetta var afar mikilvægur sigur fyrir Gabon, sem er í erfiðari riðli með Mið-Afríkulýðveldinu og Marokkó.
Esvatíní 0 - 1 Malí
0-1 Yves Bissouma ('7)
Gabon 2 - 0 Mið-Afríkulýðveldið
1-0 Pierre-Emerick Aubameyang ('11, víti)
2-0 Shavy Babicka ('39)
Botsvana 0 - 4 Egyptaland
0-1 Trezeguet ('5)
0-2 Trezeguet ('29)
0-3 Mohamed Salah ('56)
0-4 Mostafa Fathi ('94)
Líbería 0 - 3 Alsír
0-1 Amine Gouiri ('17)
0-2 Adem Zorgane ('25)
0-3 Baghdad Bounedjah ('80)
Tsjad 0 - 2 Fílabeinsströndin
0-1 Jean-Philippe Krasso ('45+3)
0-2 Oumar Diakite ('55)
Búrkína Fasó 3 - 1 Malaví
1-0 Lassina Traore ('35)
2-0 Lassina Traore ('38)
3-0 Hassane Bande ('60, víti)
3-1 Zeliat Nkhoma ('80)
Rúanda 0 - 0 Nígería
Simbabve 0 - 0 Kamerún
Mósambík 2 - 1 Gínea-Bissá
Namibía 1 - 2 Kenía
Suður-Súdan 2 - 3 Suður-Afríka
Gínea 1 - 2 Tansanía
Benín 2 - 1 Líbía
Grænhöfðaeyjar 2 - 0 Máritanía
Sambía 3 - 2 Síerra Leóne
Athugasemdir
