Gylfi Þór Sigurðsson og hans menn í Everton heimsækja öflugt lið Wolves klukkan 11:00. Everton þarf sigur til að eiga einhvern möguleika á sæti í Evrópukeppni á meðan Wolves er í ágætri stöðu í 7. sæti.

Nú er að duga eða drepast fyrir Aston Villa sem fær Crystal Palace á Villa Park. Aston Villa er í næst neðsta sæti með 27 stig, sjö stigum á eftir Watford. Villa getur því hleypt spennu í fallbaráttuna með sigri á meðan Crystal Palace er með öruggt sæti í deildinni.

Leikur dagsins er leikur Tottenham og Arsenal á Tottenham Hotspur-leikvanginum. Bæði lið vilja ná Evrópudeildarsæti og eru í ágætis möguleika. Arsenal er með 50 stig á meðan Tottenham er með 49 stig.

Bournemouth er í svipaðri stöðu og Aston Villa. Liðið er í 18. sæti og blasir fall við liðinu. Það er sex stigum á eftir Watford sem er í öruggu sæti en Bournemouth hefur átt í miklu basli og þá sérstaklega eftir hlé. Leicester þarf sigur í baráttu sinni um Meistaradeildarsæti.

Leikir dagsins:
11:00 Wolves - Everton
13:15 Aston Villa - Crystal Palace
15:30 Tottenham - Arsenal
18:00 Bournemouth - Leicester