2. deild: Þjálfarinn bjargaði stigi

Kári og KFA gerðu 2-2 jafntefli í 2. deild karla í Akraneshöllinni í dag.

Matthías Daði Gunnarsson braut ísinn fyrir Kára á 35. mínútu og heimamenn fóru með forystu inn í hálfleikinn.

Patrekur Aron Grétarsson jafnaði metin á 58. mínútu, en um sjö mínútum síðar komst Kári aftur yfir með marki Sigurjóns Loga Bergþórssonar.

KFA lét ekki deigan síga og jafnaði metin á ný tuttugu mínútum fyrir leikslok. Eggert Gunnþór Jónsson, spilandi þjálfari KFA, skoraði markið og bjargaði stigi fyrir sína menn.

Kári missti þar með af tækifæri til að komast upp í annað sætið og er í 4. sæti með 18 stig. KFA er í 8. sæti með 14 stig.