Lengjudeildin: Afturelding hársbreidd frá Bestu deildinni

Afturelding fékk Gróttu í heimsókn í Lengjudeildinni í kvöld. Afturelding gat náð fimm stiga forystu á toppnum og þá þurfti Grótta á sigri að halda til að eiga möguleika á að komast í umspil um sæti í Bestu deildinni.

Afturelding fékk gott færi á 24. mínútu Bart Kooistra fékk boltann en varnarmenn Gróttu náðu að verjast. Boltinn barst til Óðins Bjarkasonar en aftur náðu Gróttumenn að komast fyrir.

Afturelding komst yfir stuttu síðar þegar Joacim Holtan skallaði boltann í netið eftir fyrirgjöf frá Bjarti Bjarma Barkarsyni.

Sævar Atli Hugason var nálægt því að bæta við öðru marki undir lok fyrri hálfleiks eftir frábært einstaklingsframtak en skotið rétt framhjá.

Holtan innsiglaði sigur Aftureldingar undir lokin þegar hann skoraði með skalla eftir hornspyrnu.

Afturelding er á toppnum með fimm stiga forystu á Þrótt og Fylki þegar sex stig eru eftir í pottinum. Þá er ljóst að HK og Njarðvík eru einnig búin að tryggja sér sæti í umspilinu.