Coutinho á æfingasvæði Aston Villa.
Philippe Coutinho mun blómstra hjá Aston Villa, ef hann mun finna fyrir ást og ábyrgð. Þetta segir Brendan Rodgers, stjóri Leicester, sem fékk miðjumanninn til Liverpool á sínum tíma.
„Hann er magnaður leikmaður og frábær náungi. Ég fylgdist með honum sem ungum leikmanni og við vonuðumst eftir því að fá hann til Chelsea en það var þá þegar frágengið að hann færi til Inter," segir Rodgers.
„Hann er mjög auðmjúkur náungi og það kom mér mjög á óvart að hlutirnir gengu ekki upp hjá Barcelona. Ef ég hugsaði út í leikmann og félag sem pössuðu vel saman þá voru það hann og Barcelona."
„Stundum er umhverfið ekki það rétta og Philippe er leikmaður þar sem allt snýst um umhverfið. Ef hann finnur fyrir ást og ábyrgð þá mun hann blómstra. Ég er viss um að hann muni gera vel fyrir Steven Gerrard. Hann hefur sýnt í ensku úrvalsdeildinni að hann er toppleikmaður."
Athugasemdir
