KSÍ hefur hafið leit að eftirmanni Freys Alexanderssonar sem landsliðsþjálfari kvenna. Freyr lét af störfum eftir undankeppni HM í síðustu viku en hann er í dag aðstoðarþjálfari karlalandsliðsins.
„Við erum byrjuð að velta þessu fyrir okkur og það má segja að leitin sé hafin. Við reynum að vanda okkur í þessu verki og svo kemur í ljós hver mun taka við af Frey," sagði Guðni Bergsson, formaður KSÍ, við Fótbolta.net í dag.
„Við erum byrjuð að velta þessu fyrir okkur og það má segja að leitin sé hafin. Við reynum að vanda okkur í þessu verki og svo kemur í ljós hver mun taka við af Frey," sagði Guðni Bergsson, formaður KSÍ, við Fótbolta.net í dag.
Dregið verður í undankeppni EM í lok febrúar á næsta ári og því er mikill tími til stefnu, mun meiri en var þegar ráða þurfti nýjan landsliðsþjálfara karla í sumar.
„Það er aðeins meiri tími og ágætt að hafa aukið svigrúm í því. Við erum búin að hefja þessa leit og viljum ekki vera of lengi að drolla við þetta. Við munum fara vel yfir málið og finna rétta eftirmanninn."
Guðni segir líklegra að nýr þjálfari verði Íslendingur frekar en erlendur þjálfari.
„Við erum ekki búin að útiloka neitt. Ég á frekar von á því að þetta verði Íslendingur en við munum ekki útiloka neitt á þessu stigi. Við munum fara yfir það hvaða valkostir eru í stöðunni og ræða við aðila í því sambandi. Við tökum síðan ákvörðun í kjöfarið."
Hér að ofan má sjá viðtalið í heild sinni.
Athugasemdir