Höfðu fyrst samband við Pochettino á sunnudaginn

Leikirnir tveir gegn Haítí verða þeir síðustu með Pochettino við stjórnvölinn út af því að hann er búinn að samþykkja starf hjá Manchester United. Fregnirnar koma aðeins þremur mánuðum eftir að hann skrifaði undir fjögurra ára samning við bandaríska fótboltasambandið, sem gildir út HM 2030.

„Ég var mjög ánægður hjá bandaríska landsliðinu en við vitum að það er ekki oft sem maður fær tækifæri að taka við félagi eins og Manchester United. Þegar tækifærið býðst þá er mjög erfitt að hafna því," sagði Pochettino, sem var spurður út í samninginn.

„Þegar ég samþykkti að framlengja samninginn við landsliðið í ágúst þá gerði ég það til að hjálpa bandaríska fótboltasambandinu.

„Þetta gerðist allt mjög hratt. Ég heyrði ekki frá Man Utd fyrr en seinni part sunnudags og lét bandaríska fótboltasambandið strax vita."