Senica hefur ekki gengið vel á leiktíðinni, liðið er í næstneðsta sæti deildarinnar sem stendur og lék liðið æfingaleik í gær. Nói var ekki í leikmannahópi liðsins og vakti það athygli fréttaritara.

Nói mun að öllum líkindum ekki klára tímabilið með Senica. Félagið á í fjárhagsörðugleikum og er vilji stjórnarmanna að senda sem flesta erlenda leikmenn á lán. Leit stendur yfir að nýju liði fyrir Nóa.

„Það er verið að skoða alla möguleika, það verður sennilega lið utan Slóvakíu," sagði Nói við Fótbolta.net.