Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   fim 15. ágúst 2019 21:44
Ívan Guðjón Baldursson
Steven Lennon um Elfar: Myndi líklega skjóta sjálfan sig
Mynd: Fótbolti.net - J.L.
Mikið umtal er í kringum rauða spjaldið sem Elfar Freyr Helgason fékk í undanúrslitum Mjólkurbikarsins fyrr í kvöld.

Elfar var rekinn af velli undir lok leiksins og brást ekki sérlega vel við. Hann reif rauða spjaldið af Þorvaldi Árnasyni dómara og henti því í grasið.

Meðal þeirra sem hafa tjáð sig um málið eru Gary Martin, sóknarmaður ÍBV, og Steven Lennon, sóknarmaður FH.

„Ef þú ætlar í stríð ... þá tekurðu Elfar Freyr með þér. Hann myndi tækla ömmu sína," skrifaði Gary og var Steven ekki lengi að svara.

„Hann myndi þó líklega skjóta sjálfan sig eða sinn eigin her áður en það kæmi að því..." svaraði Steven sem mun keppa við Víking R. í úrslitaleik bikarsins.

Gary kom Elfari þó til varnar og talaði um hann sem einn besta og harðasta varnarmann deildarinnar.

„Eini varnarmaðurinn á Íslandi sem gerir mig skíthræddan .. líklega ástæðan fyrir því að ég hef ekki skorað gegn Breiðablik í deildinni," sagði Gary.








Athugasemdir
banner
banner
banner
banner