Lið vikunnar í enska - Ferdinand í vörninni

Markvörður: Jan Mucha (Everton)
Brad Guzan og Mark Schwarzer gerðu líka sterklega tilkall til þess að vera í liðinu en Mucha var flottur í marki Everton sem vann glæsilegan sigur á Manchester City.

Hægri bakvörður: Seamus Coleman (Everton)
Var afskaplega flottur í sigrinum á City.

Miðvörður: Rio Ferdinand (Man Utd)
Ferdinand sýndi gegn Reading af hverju hann var kallaður aftur upp í enska landsliðið.

Miðvörður: Michael Turner (Norwich)
Hjálpaði Norwich að ná 1-1 jafntefli gegn hans fyrrum félögum í Sunderland.

Vinstri bakvörður: John Arne Riise (Fulham)
Fulham vann Lundúnaslaginn gegn Tottenham og Norðmaðurinn rauðhærði átti fantagóðan leik.

Miðjumaður: Morgan Schneiderlin (Southampton)
Enn og aftur átti Schneiderlin stórleik um helgina en Dýrðlingarnir unnu Liverpool.

Miðjumaður: Leon Osman (Everton)
Braut ísinn gegn Manchester City með stórglæsilegu marki.

Miðjumaður: Claudio Yacob (West Brom)
Besti maður vallarins í markalausu jafntefli gegn Stoke.

Sóknarmaður: Eden Hazard (Chelsea)
Chelsea vann 2-0 heimasigur gegn West Ham þar sem Hazard skoraði síðara markið.

Sóknarmaður: Andreas Weimann (Aston Villa)
Skein skært þegar lið Paul Lambert vann sex stiga fallslag gegn QPR.

Sóknarmaður: Dimitar Berbatov (Fulham)
Búlgarinn Dimitar Berbatov tryggði Fulham sigur gegn Tottenham á sínum gamla heimavelli. Ekki í fyrsta sinn og væntanlega ekki það síðasta sem Berbatov er í úrvalsliðinu.

Sjá einnig:
Fyrri úrvalslið í enska