Lestu um leikinn: Keflavík 5 -  1 Afturelding

Keflavíkurliðið var vel samstillt í kvöld og virkaði töluvert þroskaðra á velli en á síðasta tímabili og ljóst að Keflavík ætlar að gera harða atlögu að því að vinna sér sæti í Pepsi-Max deildinni að ári.

„Já við höfum nýtt þetta covid frí vel og við höfum æft vel í vetur. Siggi Raggi hefur komið frábær inn og við höfum verið að hlaupa mikið og æfa vel sem ég held að sé lykillinn að þessu enda það eina sem virkar í þessu.“

Nacho Heras sem gekk til liðs við Keflavík frá Leikni í vetur stýrði vörn liðsins af röggsemi og skoraði fyrsta mark leiksins þegar um stundarfjórðungur var liðinn. Hvernig er fyrir Adam að spila með leikmanni eins og Nacho sem virkar á velli eins og fæddur leiðtogi?

„Það er bara ótrúlegt. Þetta er hárrétt hann er algjör leiðtogi og það er virkilega gaman að spila með honum.“

Markið er Nacho er ekki það fyrsta sem hann skorar fyrir Keflavík en hann setti þrennu í Mjólkurbikarnum gegn Birninum síðastliðinn föstudag. Eru sóknarmenn Keflavíkur ekkert farnir að hafa áhyggjur af þessari markaskorun hans?

„Jú hann er kominn með miklu fleiri mörk en ég í sumar þannig að það er pressa á mér allavega.“

Allt viðtalið má sjá í spilaranum hér að ofan