Skoraði eftir móðurmissinn - „Bara orðlaus“

„Bara orðlaus, þetta er bara stórkostlegt. Ég bara veit ekki hvað það eru margir hérna. Það seldust hátt í 2.000 miðar, þetta var bara rugl, bara geðveikt að vinna þetta 5-0. Þetta er bara einhver besti dagur ársins í ljósi aðstæðna samt,"  sagði Aron Fannar Birgisson, leikmaður Selfoss, eftir leik.

Það seldust 1.300 miðar í gegnum Stubb. Rúmlega 700 manns voru á vellinum og það seldust miðar fyrir 4,8 milljónir króna.

„Já, í rauninni já, klárlega, bara þessi forsala fór langt fram úr okkar væntingum. Við héldum að menn myndu kannski borga sig inn á vellinum en bara þessi stuðningur í liðinni viku er ótrúlegur. Ég hreinlega get ekki þakkað fólki meira fyrir."

Aron Fannar kom inn á sem varamaður í hálfleik og skoraði með skalla eftir hornspyrnu á 79. mínútu. Hann fagnaði markinu með Selfoss-treyju sem var merkt móður sinni, Helgu Guðmundsdóttur.

Þetta er náttúrulega frábært hjá klúbbnum.

„Þeir gerðu þessa hérna fyrir mig með nafni hjá mömmu. Þetta er frábært."