Adam Páls í viðræðum við KA

Samkvæmt heimildum Fótbolta.net hefur Valur gefið honum leyfi til að finna sér nýtt félag. Hann hefur einnig verið orðaður við Keflavík, Fram og Þór meðal annars.

Hann er sóknarmaður sem hefur skorað þrjú mörk og lagt upp eitt til þessa á tímabilinu í átta byrjunarliðsleikjum.

Hann var keyptur í Val frá Víkingi fyrir tímabilið 2023 eftir að hafa spilað frábærlega með Keflavík á láni tímabilið á undan. Félagaskiptaglugginn opnar 16. júlí.

KA er í tíunda sæti Bestu deildarinnar, tveimur stigum fyrir ofan fallsæti.