Myndir: Aðstoðarþjálfarinn á þakinu

Hólmar Örn Rúnarsson (Bói), aðstoðarþjálfari Keflavíkur, var hvergi sjáanlegur á varamannabekk liðsins í viðureign Keflavíkur gegn FH á sunnudaginn var.

Í stað þess að vera á bekknum var Bói uppi á þaki fyrir aftan varamannabekkinn. Með honum í för var Jónas Guðni Sævarsson, yfirmaður fótboltamála Keflavíkur.

Báðir voru þeir þó á skýrslu liðsins og fylgdust þeir grannt með gangi mála. Leikar enduðu 1-2 FH-ingum í vil sem uppskáru sinn fyrsta sigur í deildinni á tímabilinu.

Hafliði Breiðfjörð var á vellinum og fangaði myndir af Bóa og Jónasi uppi á þaki.