Andri Hjörvar Albertsson, þjálfari Þórs/KA var stoltur af sínum stelpum eftir 2-1 tap gegn Selfossi í dag. Þór/KA komst yfir í leiknum en Selfyssingar snéru leiknum sér í hag í byrjun síðari hálfleiks.
„Þrátt fyrir að ég sé svekktur með úrslitin þá get ég ekki verið annað en stoltur af stelpunum mínum í dag. Þær lögðu sig allar fram og uppskáru því miður ekkert úr leiknum," sagði Andri eftir leik.
„Þrátt fyrir að ég sé svekktur með úrslitin þá get ég ekki verið annað en stoltur af stelpunum mínum í dag. Þær lögðu sig allar fram og uppskáru því miður ekkert úr leiknum," sagði Andri eftir leik.
Lestu um leikinn: Selfoss 2 - 1 Þór/KA
„Virkilega vel gert hjá þeim það sem þær gerðu, sérstaklega í fyrri hálfleik. Þvílík barátta og vinnusemi. Ég hefði að sjálfsögðu viljað fara með það inn í seinni hálfleikinn en það bara klikkaði í dag."
Andri segir að sínar stelpur hafi misst einbeitingu á því tímabili sem að Selfyssingar náðu forystunni.
„Það þýðir ekki að eiga fimm mínútna einbeitingarleysi og hleypa inn mörkum. Við þurfum að vinna fyrir hlutunum. Leikurinn er 90 mínútur en ekki 45 mínútur."
Harpa Jóhannsdóttir, markvörður Þórs/KA, gerði sig seka um slæm mistök í síðasta leik en kom tvíefld til baka í dag og varði meðal annars vítaspyrnu.
„Þetta er frábært stelpa og ég hef fulla trú á henni. Hún sýndi það í dag að hér er á ferðinni frábær markmaður. Þetta er bara frábært svar hjá henni eftir þessa gagnrýni sem hún fékk eftir síðasta leik," sagði Andri.
Viðtalið má sjá í spilaranum hér að ofan.
Athugasemdir
