Óli Skúla: Ég er með samning út næsta tímabil

Framtíð Ólafs Inga Skúlasonar sem þjálfari Breiðabliks hefur verið í umræðunni síðustu vikur og ekki allir á því sem ræða um deildina vissir um að hann eigi að halda áfram með liðið. Ólafur Ingi tók við liðinu fyrir rétt rúmu ári síðan eftir að hafa stýrt U21 landsliðinu.

Hann gerði liðið að bikarmeisturum í ár en spilamennskan og gengi liðsins í Bestu deildinni hefur hins vegar ekki staðist væntingar.

Í risastóra íslenska slúðurpakkanum voru nöfn eins og Jökull Elísabetarson, Magnús Már Einarsson og Eiður Smári Guðjohnsen orðuð við þjálfarastöðuna hjá Blikum.