20.01.23 - 22:14
Brynjar Ingi Erluson
Pumas riftir samningi Dani Alves
Mynd: EPA
Mynd: EPA
Mexíkóska félagið Pumas hefur ákveðið að rifta samningi sínum við brasilíska hægri bakvörðinn Dani Alves vegna ásakana um kynferðisofbeldi en þetta kemur fram í tilkynningu frá félaginu í dag.
Alves gaf sig fram til lögreglu í dag en hann er grunaður um að hafa brotið kynferðislega á konu á næturklúbbi í Barcelona undir lok síðasta árs.
Leikmaðurinn, sem er 39 ára, neitar ásökunum, en hann var yfirheyrður í dag og mætti síðan fyrir dómara. Hann fær ekki lausn gegn tryggingu og var því færður í fangelsi.
Alves gekk í raðir Pumas í Mexíkó á síðasta ári en samningur hans átti að renna út í sumar. Félagið hefur nú tekið ákvörðun um að rifta samningi hans.
Síðasti leikur Alves var fyrir tólf dögum síðan í fyrstu umferð deildarinnar en hann var síðan ekki í leikmannahópnum í 3-0 tapinu gegn Santos Laguna fyrir fimm dögum.
Leikmaðurinn, sem er 39 ára, neitar ásökunum, en hann var yfirheyrður í dag og mætti síðan fyrir dómara. Hann fær ekki lausn gegn tryggingu og var því færður í fangelsi.
Alves gekk í raðir Pumas í Mexíkó á síðasta ári en samningur hans átti að renna út í sumar. Félagið hefur nú tekið ákvörðun um að rifta samningi hans.
Síðasti leikur Alves var fyrir tólf dögum síðan í fyrstu umferð deildarinnar en hann var síðan ekki í leikmannahópnum í 3-0 tapinu gegn Santos Laguna fyrir fimm dögum.
