„Þetta er bara frábær byrjun í þessari deild þar sem allir leikir eru erfiðir að ná að taka 9 stig og byrja þetta svona sterkt. Við erum að senda skilaboð og bara mjög sterk byrjun. “
Sagði Dofri Snorrason eftir 2-0 sigur Fjölnis á Grindavík suður með sjó í kvöld en lið Fjölnis er líkt og Fram með fullt hús á toppi Lengjudeildarinnar eftir leiki kvöldsins.
Sagði Dofri Snorrason eftir 2-0 sigur Fjölnis á Grindavík suður með sjó í kvöld en lið Fjölnis er líkt og Fram með fullt hús á toppi Lengjudeildarinnar eftir leiki kvöldsins.
Lestu um leikinn: Grindavík 0 - 2 Fjölnir
Leikur liðanna í kvöld var lítið fyrir augað og bragðdaufur þá sérstaklega í fyrri hálfleik. Fjölnismenn komu þó af ákveðnum krafti inn í síðari hálfleikinn og uppskáru tvö mörk með skömmu millibili.
„Við vourm ekkert sérstakir. Við byrjuðum leikinn ágætlega fyrstu 10 mínúturnar en annars var þetta okkar versti fyrri hálfleikur. En við svo sannarlega stigum upp í seinni hálfleik og sýndum að við getum líka varið markið og ég held að það séu mjög margir jákvæðir og góðir punktar sem við tökum frá þessum leik.“
Dofri sem gekk til liðs við Fjölni í vetur eftir sjö ára dvöl í herbúðum Víkings ber fyrirliðabandið í liði Fjölnis. Var kominn tími á nýja áskorun fyrir hann?
„Já ég þurfti á henni að halda. Og þetta var bara gott skref fyrir mig og fann það um leið og ég kom í Fjölni að þetta var rétta skrefið fyrir mig.“
Sagði Dofri en allt viðtalið má sjá hér að ofan.
Athugasemdir